സച്ചിനെയും ലതാ മങ്കേഷ്കറേയും കുറിച്ച് തൻമയ് ഭട്ട് തയ്യാറാക്കിയ വിവാദ വിഡിയോയെക്കുറിച്ച് വാർത്തയെഴുതി പുലിവാൽ പിടിച്ചിരിക്കുകയാണ് ന്യൂയോർക്ക് ടൈംസ്. ഇന്ത്യ ഭാരതരത്നം നൽകിയ ആദരിച്ച ലതാ മങ്കേഷ്കറിനെ "പിന്നണി ഗായിക എന്ന് പറയപ്പെടുന്ന(സോ-കോൾഡ്-പ്ലേബാക്ക് സിങർ" എന്ന് വിശേഷിപ്പിച്ചതാണ് വിവാദമായത്. സച്ചിനെ ഏറ്റവും പോപുലാരിറ്റിയുള്ള ക്രിക്കറ്ററെന്നുമാണ് പറഞ്ഞത്.
ലോകം കണ്ട ഇതിഹാസങ്ങളെ വിശേഷിപ്പിക്കുവാൻ ഈ വാചകങ്ങളല്ല ഉപയോഗിക്കേണ്ടിയിരുന്നതെന്നാണ് വിമർശനം. തൻമയ് ഭട്ടിനെതിരായ പ്രതിഷേധവും ഇതുവരെ മാറിയിട്ടില്ല. അതിനിടയിലാണ് പത്രത്തിനും വിമർശനം നേരിടേണ്ടി വന്നത്. ഒട്ടേറെ പേർ ട്വിറ്ററിലൂടെ ഇത് വ്യക്തമാക്കുകയും ചെയ്തു.
സച്ചിനും ലതയും പരസ്പരം പരിഹസിക്കുന്നതായിട്ടായിരുന്നു വിഡിയോ. എട്ടു ദിവസം വെള്ളത്തിൽ മുക്കിപ്പിടിച്ചതു പോലെയാണ് നിങ്ങളുടെ മുഖം. കണ്ടാൽ 5000 വർഷം പ്രായം തോന്നിക്കും എന്നായിരുന്നു ലതയെ കുറിച്ചുള്ള പരാമർശം.
