Manoramaonline.com no longer supports Internet Explorer 8 or earlier. Please upgrade your browser.  Learn more »

ഇങ്ങനെയാണ് തെലുങ്കിലെ മലര്‍ പാട്ട്...

premem-telugu-yevere

നമുക്കേറെ ഇഷ്ടമുള്ള ഗാനങ്ങൾ മറ്റു ഭാഷകളിലേക്കു മൊഴിമാറ്റം ചെയ്യപ്പെട്ടാൽ എങ്ങനെയുണ്ടാകും എന്നറിയാനൊരു കൗതുകമില്ലേ. പ്രേമം എന്ന ചിത്രം തെലുങ്കിൽ ചിത്രീകരിച്ചപ്പോൾ കാത്തിരുന്നത് മലരേ...എന്ന പാട്ടിന്റെ തെലുങ്ക് വേർഷൻ കേൾക്കുവാനായിട്ടായിരുന്നു. ഈണവും ആലാപനും ദൃശ്യങ്ങളും ഒരുപോലെ മനോഹരമായ ഗാനമായിരുന്നു അത്. അതുപോലെ സുന്ദരമാണ് തെലുങ്കിലേതുമെന്നു നിസംശയം പറയാം. മലരിനേയും ജോർജിന്റെയും ഭംഗിപോലെ അവർ പ്രണയം പങ്കിട്ട നിമിഷങ്ങൾ പോലെ സുന്ദരമാണു നാഗചൈതന്യയുേടതും ശ്രുതി ഹാസന്റേതും. നിവിൻ പോളിയും സായി പല്ലവിയുമാണു മലയാളത്തിൽ അഭിനയിച്ചത്. ശബരീഷ് വർമ വരികളെഴുതി രാജേഷ് മുരുഗേശൻ ഈണമിട്ട പാട്ടാണിത്. 

മലയാളത്തിൽ ഗാനം പാടി ഹിറ്റാക്കിയ വിജയ് യേശുദാസിന്റെ സ്വരം തന്നെയാണു തെലുങ്കിലെ പാട്ടിനുമുള്ളത്. മലരേ...എവരേ എന്നു മാറിയപ്പോഴും വരികൾക്കും  പിന്നെ അതിനു നൽകിയ ദൃശ്യങ്ങള്‍ക്കും ഭംഗിയേറെ. അക്കിനേനി നാഗചൈതന്യയും ശ്രുതി ഹാസനും പ്രണയാർദ്രരായി പാട്ടിനെ ശ്രദ്ധേയമാക്കുന്നു. ഗാനത്തിന്റെ ലിറിക്കൽ വിഡിയോ കുറച്ചു ദിവസങ്ങൾക്കു മുൻപേയാണു പുറത്തിറങ്ങിയത്. ഇതിനോടകം 15 ലക്ഷത്തിലധികം പ്രാവശ്യമാണ് ഗാനം യുട്യൂബ് വഴി ആളുകൾ കണ്ടത്. 

ഇന്നലെയാണു ഗാനത്തിന്റെ വിഡിയോ പുറത്തിറക്കിയത്. ഇതിനുമുണ്ട് പ്രത്യേകത. അക്കിനേനി നാഗചൈതന്യയുടെ അച്ഛനും തെലുങ്ക് മെഗാസ്റ്റാറുമായ നാഗാർജുനയുടെ പിറന്നാൾ ദിനത്തിനു മുന്നോടിയായാണിത്. നാഗാര്‍ജുനയ്ക്ക് ആശംസകളുമർപ്പിക്കുന്നുണ്ട് വിഡിയോയുടെ അവസാനം. 

Your Rating: