Manoramaonline.com no longer supports Internet Explorer 8 or earlier. Please upgrade your browser.  Learn more »

വൈറലായി കണ്ണൂരിനെ കുറിച്ചുള്ള സയനോരയുടെ ഫെയ്സ്ബുക്ക് പോസ്റ്റ്

sayanora-philip

കണ്ണൂരില്‍ നടന്ന രാഷ്ട്രീയ കൊലപാതകങ്ങളും അതിനെ തുടർന്നുണ്ടായ ഹർത്താലുമൊക്കെ ട്രോൾ വിശേഷങ്ങളിലിടം നേടിയിരുന്നു. പാകിസ്ഥാന് കശ്മീരിനു പകരം കണ്ണൂർ കൊടുക്കാം എന്നതുൾപ്പെടെ നിരവധി വർത്തമാനങ്ങളാണ് സമൂഹമാധ്യമങ്ങളിൽ നിറഞ്ഞത്. വൻ ശ്രദ്ധയും ഈ ട്രോളുകൾ നേടിയിരുന്നു. ഗായികയും കണ്ണൂർ സ്വദേശിനിയുമായ സയനോര ഇതിനെക്കുറിച്ചു പറഞ്ഞു കൊണ്ടെഴുതിയ കുറിപ്പും അതുപോലെ വൈറലാകുകയാണ്. കണ്ണൂരിന്റെ നന്മയെക്കുറിച്ചാണ് സയനോര എഴുതിയത്. രാഷ്ട്രീയ കൊലപാതകങ്ങളെല്ലാം തീർത്തും ദൗർഭാഗ്യകരമാണെന്നും അതിനെല്ലാം അറുതിയുണ്ടാകുമെന്നു മറ്റെല്ലാവരേയും പോലെ താനും കരുതുന്നുവെന്നും സയനോര എഴുതി. 

തന്റെ കുറിപ്പ് രാഷ്ട്രീയപരമായല്ലെന്നും സയനോര പറഞ്ഞിട്ടുണ്ട്. കണ്ണൂരിലാണു ജനിച്ചതും വളർന്നതുമെല്ലാം. ഹൃദയത്തില്‍ നന്മയുള്ളവരാണു കണ്ണൂരുകാർ. കപടതകളില്ലാത്ത പെരുമാറ്റമുള്ളവർ.  മനസ്സിൽ തൊട്ടാണ് അവർ സംസാരിക്കുന്നതും.  ഞങ്ങളുടെ ആതിഥ്യമര്യാദയെക്കുറിച്ച് ആവോളം എല്ലാവരും പുകഴ്ത്താറുമുണ്ട്. ലോകത്തെവിടെ പരിപാടികൾക്കായി സഞ്ചരിച്ചാലും കണ്ണൂരിലേക്കു മടങ്ങിവരുവാൻ പ്രേരിപ്പിക്കുന്നതും ഇതൊക്കെത്തന്നെയാണ്- സയനോര എഴുതുന്നു

കണ്ണൂരിൽ നടക്കുന്ന രാഷ്ട്രീയ കൊലപാതകങ്ങളോടുള്ള പ്രതികരണം ആ നാടിന്റെയും ജനങ്ങളുടെയും നന്മയെ മറന്നുകൊണ്ടാകരുതെന്നു പറയുന്ന കുറിപ്പിന് ഫെയ്സ്ബുക്കിൽ മികച്ച പ്രതികരണമാണു ലഭിച്ചത്.

Your Rating:
ഇവിടെ പോസ്റ്റു ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.