2014 ലെ സംസ്ഥാന സർക്കാർ പുരസ്‌കാരങ്ങൾ പ്രഖ്യാപിച്ചപ്പോൾ സംഗീതസംവിധായകൻ രമേഷ് നാരായണിന് മികച്ച സംഗീതസംവിധായകനുള്ള പുരസ്‌കാരം. ഇത് രണ്ടാം തവണയാണ് രമേഷ് നാരായണിന് (ആദിത്യ കിരണങ്ങള്‍ അഞ്ജനമെഴുതിയ..) മികച്ച സംഗീത സംവിധായകനുള്ള പുരസ്‌കാരം ലഭിക്കുന്നത്. 2006 ൽ രാത്രിമഴ എന്ന ചിത്രത്തിലൂടെയായിരുന്നു ആദ്യമായി അദ്ദേഹത്തിന് പുരസ്‌കാരം ലഭിച്ചത്. ബിജിബാലിനാണ് മികച്ച പശ്ചാത്തല സംഗീതത്തിനുള്ള പുരസ്‌കാരം. വിവിധ സിനിമകളിലെ പശ്ചാത്ത സംഗീതമൊരുക്കിയതിനാണ് പുരസ്‌കാരം. തുടർച്ചയായി മൂന്നാം തവണയാണ് ബിജിബാലിന് മികച്ച പശ്ചാത്തല സംഗീതത്തിനുള്ള പുരസ്‌കാരം ലഭിക്കുന്നത്. 2012 ൽ കളിയച്ഛൻ, ഒഴിമുറി, 2013 ൽ ബാല്യകാലസഖി തുടങ്ങിയവയായിരുന്നു ഇതിന് മുമ്പ് ബിജിബാലിന് മികച്ച പശ്ചാത്തല സംഗീതത്തിന് പുരസ്‌കാരം നേടിക്കൊടുത്ത ചിത്രങ്ങൾ.
മികച്ച ഗായകനായി യേശുദാസിനേയും (ചിത്രം-വൈറ്റ് ബോയ്‌സ്), മികച്ച ഗായികയായി ശ്രേയ ഘോഷാലിനേയും (വിജനതയില്‍...ചിത്രം- ഹൗ ഓള്‍ഡ് ആര്‍ യു) തിരഞ്ഞെടുത്തു. ലസാഗു എന്ന ചിത്രത്തിലെ ഗാനം രചിച്ചതിന് ഒ എസ് ഉണ്ണികൃഷ്ണൻ മികച്ച ഗാനരചയിതാവിനുമുള്ള പുരസ്‌കാരം നേടി.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.