Manoramaonline.com no longer supports Internet Explorer 8 or earlier. Please upgrade your browser.  Learn more »

പൂക്കൾ പനിനീർ പൂക്കള്‍...

action-hero-biju

വീടിന്റെ മുറ്റത്ത് ആദ്യമായി വിരിഞ്ഞ പനിനീർ പൂവിനെ നമുക്കെന്തിഷ്ടമായിരുന്നു. അതിനെ വഴിയാത്രക്കാർ അധിക നേരം നോക്കി നിൽക്കുന്നതു പോലും നമുക്ക് ചിലപ്പോൾ ഇഷ്ടപ്പെടുകയില്ല. ആ പൂവ് മഞ്ഞിൽ തണുത്തു നിൽക്കുന്നതും ശലഭങ്ങൾ അതിനെ മുത്തമിടുന്നതും കുഞ്ഞി കണ്ണു തുറന്ന് ആ പൂവ് സൂര്യനിലേക്കു നോക്കുന്നതുമെല്ലാം എന്തൊരു ഭംഗിയാണ്. പിന്നെയൊരു നാൾ അവ കൊഴിഞ്ഞ താഴേക്ക് മണ്ണിലേക്ക് അടർന്നു വീണലിഞ്ഞു തുടങ്ങുമ്പോൾ വല്ലാത്തൊരു സങ്കടവും. ഈ പാട്ടു കേൾക്കുമ്പോഴും അതുപോലെയാണ്. 

പൂക്കൾ പനിനീർ പൂക്കൾ....

മഞ്ഞു തുള്ളി പോലുള്ള ഈണങ്ങളുടെ സൃഷ്ടാവ് ജെറി അമൽദേവ് വർഷങ്ങൾക്കു ശേഷം മലയാള സിനിമയിലേക്കെത്തിയത് ഈ പാട്ടിനൊപ്പമാണ്. പനിനീർ പൂവിലൂടെ പ്രണയത്തെ കുറിച്ചു പാടിയ വരികള്‍ക്ക്, പൂവിതളിൽ ചിത്രശലഭം വന്നു താളമിടുന്നത്രയും ലളിതമായ സംഗീതമാണു ജെറി അമൽ ദേവു പകർന്നത്. പനിനീർ പൂ പോലെ സുന്ദരമായി ആ പാട്ടും. ഒരു പാട്ടിന്റെ വരികളുടെ അർഥമെന്താണോ അത് അതേ നൈർമല്യതയോടെ പ്രേക്ഷകന് അനുഭവിക്കുവാന്‍ കഴിയുമ്പോഴാണ് അതു പൂർണമാകുന്നതെന്നാണ് പറയാറ്. ഇവിടെയും ആ ഘടകമാണു പാട്ടിനെ മനോഹരമാക്കിയത്. 

സന്തോഷ് വർമയുേടതാണ് വരികൾ. ഈണമിട്ട ശേഷമായിരുന്നു പാട്ടെഴുതിയത്. പക്ഷേ ഒരിടത്തു പോലും ഈണങ്ങളിൽ മുഴച്ചു നിൽക്കുന്നില്ല വരികൾ. അതിനു കാരണം രണ്ടു പ്രതിഭകളാണ് ഈ പാട്ടിൽ ഒന്നിച്ചത് എന്നതുകൊണ്ടു തന്നെ.  ആർത്തലയ്ക്കാത്ത ഓർക്കസ്ട്ര കേൾവിക്കാരനു പകരുന്ന അനുഭൂതിയെന്തെന്ന് പനിനീര്‍ പൂക്കളെ കുറിച്ചു പറഞ്ഞു തുടങ്ങിയ പാട്ടിലുണ്ടായിരുന്നു. വഴിയോരത്തേക്കു നോക്കി സായന്തനങ്ങളെ കാണുമ്പോൾ, വെറുതെ ഒറ്റയ്ക്കു നടന്നു പോകുമ്പോൾ ഒപ്പം കൂട്ടാവുന്നൊരു ഗാനമായി അതു മാറിയതും അങ്ങനെയാണ്. 

Your Rating:
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.