മുദ്രപ്പത്രങ്ങള്‍ക്ക് ക്ഷാമം

തിരുവനന്തപുരം∙ കേരളത്തിൽ ചെറിയ തുകയുടെ മുദ്രപ്പത്രങ്ങൾക്കു ക്ഷാമം. 20, 50, 100, 500 രൂപയുടെ മുദ്രപ്പത്രങ്ങളാണ് ആവശ്യത്തിനു കിട്ടാത്തത്. ചെറിയ തുകയുടെ മുദ്രപ്പത്രങ്ങൾ വേണ്ടിടത്തു വലിയ തുകയുടെ മുദ്രപ്പത്രങ്ങൾ ഉപയോഗിക്കേണ്ട ഗതികേടിലാണു ജനങ്ങൾ. സർക്കാർ ആവശ്യപ്പെടാത്തതിനാലാണു ലഭിക്കാത്തതെന്നാണ് പരാതി. ചെറിയ തുകയുടെ കൂടുതൽ മുദ്രപ്പത്രങ്ങൾ ആവശ്യപ്പെട്ടിട്ടുണ്ടെന്നു നികുതി വകുപ്പ് വൃത്തങ്ങൾ പറഞ്ഞു.