ബിബിസിയുടെ 100 വനിതകളിൽ 4 ഇന്ത്യക്കാരും
Mail This Article
×
ലണ്ടൻ ∙ ലോകത്തെ സ്വാധീനശക്തിയുളള 100 സ്ത്രീകളുടെ ബിബിസി തയാറാക്കിയ 2020 ലെ പട്ടികയിൽ ഇന്ത്യയിൽ നിന്നുള്ള 4 പേരും. അംഗപരിമിതി അതിജീവിച്ചു പാരാ ബാഡ്മിന്റൻ ലോക ചാംപ്യനായ മാനസി ജോഷി, കാലാവസ്ഥാ മാറ്റത്തിനെതിരെ സമരരംഗത്തിറങ്ങിയ ഉത്തരാഖണ്ഡിലെ റിദ്ദിമ പാണ്ഡെ(11), ഡൽഹിയിലെ ഷഹീൻ ബാഗിൽ പൗരത്വ നിയമത്തിനെതിരെ സമരം നയിച്ച ബിൽക്കീസ് ബാനു (82), തമിഴ്നാട്ടിലെ പാരമ്പര്യ ‘ഗാനാ’ സംഗീതത്തിലെ പുരുഷമേധാവിത്വം തകർത്ത ഇശൈവാണി എന്നിവരാണു പട്ടികയിൽ ഇടം നേടിയത്.
ഫിൻലൻഡിലെ സ്ത്രീകൾ മാത്രമുള്ള കൂട്ടുകക്ഷി സർക്കാരിനെ നയിക്കുന്ന സന്നാ മറിൻ, മാർവെൽ സിനിമകളിലെ താരമായ മിഷേൽ യോ, കോവിഡ് വാക്സീൻ കണ്ടെത്താനുള്ള ഓക്സ്ഫഡ് ഗവേഷണ സംഘത്തെ നയിക്കുന്ന സാറാ ഗിൽബർട് തുടങ്ങിയ പ്രശസ്തരും പട്ടികയിലുണ്ട്
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.