ദേശീയ ചലച്ചിത്രപുരസ്കാര നിർണയം നാളെ മുതൽ

ന്യൂഡൽഹി ∙ ദേശീയ ചലച്ചിത്ര പുരസ്കാരനിർണയ നടപടികൾ നാളെ ആരംഭിക്കും. റീജനൽ ജൂറി അംഗങ്ങളാണു സിനിമകൾ കണ്ടുതുടങ്ങുക. ദേശീയ അവാർഡ് ജേതാവ് വിനോദ് മങ്കര ഉൾപ്പെടുന്ന ജൂറിയാണു മലയാളം, തമിഴ് സിനിമകളുടെ പ്രാദേശിക തിരഞ്ഞെടുപ്പു നടത്തുന്നത്. മലയാളത്തിൽ നിന്ന് 65 സിനിമകൾ ഇക്കുറി മത്സരത്തിനുണ്ട്. അതിൽ നിന്നു തിരഞ്ഞെടുക്കപ്പെടുന്ന സിനിമകളാകും അന്തിമ ഘട്ടത്തിൽ പരിഗണിക്കുക. എന്നാൽ പുരസ്കാരനിർണയത്തിനുള്ള അന്തിമജൂറിയെ ഇതുവരെ പ്രഖ്യാപിച്ചിട്ടില്ല.

English Summary: Selection of movies for National movie awards