വാക്കിലും യൂണിഫോമിലും പിഴവ്; അനിൽ കപൂറിന്റെ സിനിമയ്ക്കെതിരെ വ്യോമസേന

ന്യൂഡൽഹി ∙ അനിൽ കപൂർ നായകനായി നെറ്റ്ഫ്ലിക്സിൽ പ്രദർശനത്തിനൊരുങ്ങുന്ന ‘എകെ വേഴ്സസ് എകെ’ എന്ന സിനിമയ്ക്കെതിരെ ഇന്ത്യൻ വ്യോമസേന. ട്രെയിലർ പുറത്തിറങ്ങിയതോടെ സിനിമയിലെ ഭാഷയോട് എതിർപ്പു പ്രകടിപ്പിച്ച വ്യോമസേന, നായക കഥാപാത്രം തെറ്റായ യൂണിഫോമാണു ധരിച്ചിരിക്കുന്നതെന്നും ആരോപിച്ചു. സായുധസേനകളുടെ പെരുമാറ്റ മര്യാദകൾ ലംഘിക്കുന്ന സാഹചര്യത്തിൽ ചിത്രത്തിലെ ചില രംഗങ്ങൾ നീക്കണമെന്നും ആവശ്യപ്പെട്ടു.

സേനകളോട് അനാദരം കാട്ടാൻ ഉദ്ദേശിച്ചിരുന്നില്ലെന്ന വിശദീകരണവുമായി അനിൽ കപൂറും നെറ്റ്ഫ്ലിക്സും രംഗത്തെത്തി.