ഗാംഗുലിക്ക് വീണ്ടും ആൻജിയോപ്ലാസ്റ്റി വേണ്ടിവരും

കൊൽക്കത്ത ∙ ബിസിസിഐ പ്രസിഡന്റും മുൻ ഇന്ത്യൻ ക്യാപ്റ്റനുമായ സൗരവ് ഗാംഗുലിക്ക് വീണ്ടും ആൻജിയോപ്ലാസ്റ്റി നടത്തും. ഏതാനും ദിവസങ്ങൾക്കുള്ളിലോ അല്ലെങ്കിൽ ഏതാനും ആഴ്ചകൾക്കുള്ളിലോ ആൻജിയോപ്ലാസ്റ്റി നടത്തുമെന്നാണ് ഡോക്ടർമാർ അറിയിച്ചത്.

ആരോഗ്യം മെച്ചപ്പെട്ടതിനാൽ അദ്ദേഹം നാളെ ആശുപത്രി വിട്ടേക്കും. പ്രശസ്ത കാർഡിയോളജിസ്റ്റായ ഡോ. ദേവി ഷെട്ടി ഇന്ന് ആരോഗ്യസ്ഥിതി നേരിട്ടു വിലയിരുത്തും. ഹൃദയധമനികളിൽ മൂന്നിടത്താണ് തടസ്സം കണ്ടത്.

English Summary: Angioplasty for Sourav Ganguly