വി.കെ.ജയരാജ് പോറ്റി ശബരിമല മേൽശാന്തി, എം.എൻ.രജികുമാർ മാളികപ്പുറം മേൽശാന്തി

പത്തനംതിട്ട∙ തൃശൂർ കൊടുങ്ങല്ലൂർ വാരിക്കാട്ട് മഠത്തിൽ പൂപ്പത്തിപൊയ്ക വി.കെ.ജയരാജ് പോറ്റി ശബരിമലയിലും അങ്കമാലി കിടങ്ങൂർ മൈലക്കോടത്ത് മനയിൽ എം.എൻ.രവി കുമാർ (ജനാർദ്ദനൻ നമ്പൂതിരി) മാളികപ്പുറത്തും മേൽശാന്തിമാർ.

സന്നിധാനത്തു നടന്ന നറുക്കെടുപ്പിൽ ഏഴാം തവണ നറുക്കെടുത്തപ്പോഴാണ് ജയരാജ് പോറ്റിയുടെ പേരും ശബരിമല മേൽശാന്തി എന്ന കുറിപ്പും ഒത്തുവന്നത്. മാളികപ്പുറത്തു നടന്ന നറുക്കെടുപ്പിൽ അഞ്ചാം തവണ നറുക്കെടുത്തപ്പോഴാണ് എം.എൻ.രവികുമാറിന്റ പേരും മേൽശാന്തി എന്ന കുറിപ്പും ഒത്തുവന്നത്. രണ്ടു പേരും നവംബർ 15ന് സ്ഥാനമേൽക്കും.

ശബരിമലയിൽ 7 മാസത്തിനു ശേഷം കർശന നിയന്ത്രണത്തോടെ തീർഥാടകരെ പ്രവേശിപ്പിച്ചു. ആദ്യത്തെ 4 മണിക്കൂറിനുള്ളിൽ ആകെ എത്തിയത് 25 പേർ മാത്രം.

Content Highlight: VK Jayaraj Potty is new Sabarimala Melsanthi