24 മണിക്കൂറിൽ 14,256 കോവിഡ് ബാധിതർ; ഇന്നലെ മാത്രം വാക്സീൻ സ്വീകരിച്ചത് 3 ലക്ഷം പേർ

ന്യൂഡൽഹി∙ രാജ്യത്ത് 24 മണിക്കൂറിൽ 14,256 പേർക്ക് കോവിഡ് 19 സ്ഥിരീകരിച്ചു. പുതിയതായി 152 മരണങ്ങൾ കൂടി റിപ്പോർട്ട് ചെയ്തതോടെ ആകെ മരണം 1,53,184 ആയി. ഇതുവരെ 1,06,39,684 പേരാണ് രാജ്യത്താകെ കോവിഡ് പോസിറ്റീവ് ആയത്. നിലവിൽ 1,85,662 പേർ രോഗം ബാധിച്ച് വിവിധ കേന്ദ്രങ്ങളിൽ ചികിത്സയിലാണ്. 24 മണിക്കൂറിൽ 17,130 പേർ രോഗമുക്തി നേടി. ഇതോടെ രോഗം ഭേദമായവരുടെ ആകെ എണ്ണം 10,300,838 ആയി. 

രാജ്യത്ത് ഇതുവരെ 13,90,592 പേരാണ് രോഗപ്രതിരോധ വാക്സീൻ സ്വീകരിച്ചത്. മൂന്നു ലക്ഷത്തോളം പേരാണ് ഇന്നലെ മാത്രം വാക്സീൻ സ്വീകരിച്ചത്. വാക്സിനേഷൻ ഡ്രൈവ് തുടങ്ങിയ ജനുവരി 16 മുതൽ ഇതാദ്യമായാണ് ഒരു ദിവസം ഇത്രയധികം പേർ കുത്തിവയ്പ്പെടുക്കുന്നത്.

English Summary : 14,256 New Coronavirus Cases In India