കോവിഡ് വ്യാപനം: ദിവസവും ഒരു ലക്ഷം പരിശോധന നടത്തണമെന്ന് മുഖ്യമന്ത്രി
Mail This Article
തിരുവനന്തപുരം ∙ സംസ്ഥാനത്ത് കോവിഡ് പരിശോധന കൂട്ടാന് സര്ക്കാര് തീരുമാനം. ദിവസേന ഒരു ലക്ഷം കോവിഡ് പരിശോധന നടത്തണമെന്ന് മുഖ്യമന്ത്രി പിണറായി വിജയൻ നിർദേശിച്ചു. 75 ശതമാനം ടെസ്റ്റുകളും ആര്ടിപിസിആര് ആയിരിക്കണം.
ആള്ക്കൂട്ടമുണ്ടാകുന്ന സ്ഥലങ്ങളില് കോവിഡ് വ്യാപനം കൂടുന്നതായി കണ്ടെത്തിയിട്ടുണ്ടെന്ന് ആരോഗ്യമന്ത്രി കെ.കെ.ശൈലജ പറഞ്ഞു. പ്രത്യേക മേഖലകളില് ആര്ടിപിസിആര് ടെസ്റ്റുകള് വര്ധിപ്പിക്കും. കോവിഡ് മാര്ഗരേഖ ലംഘിച്ചാല് കര്ശന നടപടിയെടുക്കും.
രോഗപ്പകർച്ച കൂടുതൽ സംഭവിക്കുന്നത് കുടുംബാംഗങ്ങളിൽനിന്നാണ്. 56 ശതമാനം പേര്ക്കും കോവിഡ് ബാധിക്കുന്നത് കുടുംബാംഗങ്ങൾ വഴിയാണ്. തൊഴിലിടങ്ങളില്നിന്ന് 20 ശതമാനം പേർക്ക് രോഗം ബാധിക്കുന്നു. 5 ശതമാനം കുട്ടികൾക്ക് സ്കൂളുകളിൽനിന്നാണ് രോഗം ബാധിക്കുന്നതെന്നും മന്ത്രി പറഞ്ഞു.
English Summary: Kerala government to increase covid test