പ്രധാനമന്ത്രിയുടെ ഓഫിസിലെ പ്രിൻസിപ്പൽ അഡ്വൈസർ പി.കെ.സിൻഹ രാജിവച്ചു

ന്യൂഡൽഹി ∙ മുൻ ക്യാബിനറ്റ് സെക്രട്ടറിയും പ്രധാനമന്ത്രി നരേന്ദ്ര മോദിയുടെ ഓഫിസിലെ പ്രിൻസിപ്പൽ അഡ്വൈസറുമായ പി.കെ.സിൻഹ രാജിവച്ചു. സ്വകാര്യ കാര്യങ്ങൾ ചൂണ്ടിക്കാട്ടിയാണ് രാജി. ഉത്തർപ്രദേശ് കേഡറിലെ 1977 ബാച്ച് ഐഎഎസ് ഉദ്യോഗസ്ഥനാണ്.

തിങ്കളാഴ്ച വൈകിട്ടോടെയാണ് രാജി വച്ചത്. 2019 സെപ്റ്റംബറിലാണ് പ്രധാനമന്ത്രിയുടെ ഓഫിസിൽ ഇദ്ദേഹം നിയമിതനായത്. ക്യാബിനറ്റ് സെക്രട്ടറിയായി വിരമിച്ചശേഷം 2019ലെ പൊതുതിരഞ്ഞെടുപ്പിനു പിന്നാലെയായിരുന്നു നിയമനം.

English Summary: Principal advisor in PMO PK Sinha resigns on personal grounds