1) പാർട്ടി ഓഫിസ് പൊളിക്കാൻ വന്നാൽ ഉദ്യോഗസ്‌ഥരുടെ കൈ വെട്ടും. ദൗത്യസംഘത്തെ തുരത്തുംവരെ ഞങ്ങൾ സമരം ചെയ്യും.
(ആദ്യ മൂന്നാർ ഒഴിപ്പിക്കൽ ദൗത്യ കാലത്ത്)
2) ആണുംപെണ്ണുംകെട്ട ഒരു ഡിവൈഎസ്‌പിയും ഒരു സഹകരണ വകുപ്പ് ഉദ്യോഗസ്‌ഥനും ഇവിടെ വന്നുകയറി. ഞങ്ങളുടെ മൂന്നു നാലു പ്രവർത്തകരെ ആക്രമിച്ചു. കൊടി ചവിട്ടിയൊടിച്ചു. ഞങ്ങളുടെ കൊടി ചവിട്ടിയൊടിച്ചവരുടെ കൈ ഞങ്ങൾ തല്ലി ഒടിക്കും; നോക്കിക്കോ... അവനാരാണെന്നു നോട്ടുചെയ്‌തു വച്ചോ? അവൻമാർ എപ്പോഴും പൊലീസ് സ്‌റ്റേഷനിൽതന്നെ ഇരിക്കുന്നവരല്ലല്ലോ? എപ്പോഴെങ്കിലും പുറത്തിറങ്ങി വരുമ്പോൾ കൊടുക്കണം ചവിട്ട്...
അവന്റെ കൈ തല്ലി ഒടിക്കണം. ബാക്കിയൊക്കെ നമുക്കു പൊറുക്കാം. മോന്തയ്‌ക്കിട്ട് നല്ല ചവിട്ടുവച്ചുകൊടുക്കണം. തെമ്മാടി... ഞങ്ങളെ മര്യാദ പഠിപ്പിക്കാൻ വരരുതേ... എപ്പോഴും ഈ കുപ്പായമിട്ടോണ്ടല്ലല്ലോ ഇവൻമാർ നടക്കുന്നത്. ഇവർ കേസെടുത്താൽ നമുക്ക് പുല്ലാണ്. ഒരുത്തന്റെ കൈ തല്ലി ഒടിച്ചാൽ, ഒരുത്തന്റെ അസ്‌ഥി ഒടിച്ചെന്ന കേസല്ലേ ഉള്ളൂ... ഞങ്ങടെ കൊടി ചവിട്ടി ഒടിച്ചവന്റെ കൈ ഞങ്ങൾ തല്ലി ഒടിക്കും. ഇപ്പം തന്നെ എഴുതിവച്ചോ...
(2012 ഫെബ്രുവരി 13, വാഴത്തോപ്പ് വഞ്ചിക്കവലയിലെ ജില്ലാ ബാങ്ക് ഹെഡ് ഓഫിസ് കവാടം)
3) സിപിഎം പ്രവർത്തകരെ തല്ലിയാൽ പൊലീസായാലും തിരിച്ചടിക്കും. കള്ളക്കേസ് കൊടുക്കുന്ന കോൺഗ്രസുകാരുടെ കൈയും കാലും വെട്ടണം. വല്ലവരും പറയുന്നതു കേട്ട് കേസ് എടുത്താൽ പൊലീസുകാരും അവരുടെ വീട്ടുകാരും വിവരം അറിയും.
(2012 ഫെബ്രുവരി 24, സിപിഎം കാഞ്ഞാർ സിഐ ഓഫിസിലേക്ക് നടത്തിയ മാർച്ച്)
4) സാധാരണക്കാരെ ബുദ്ധിമുട്ടിക്കുന്ന സർക്കാർ ജീവനക്കാരെ ഓഫിസിനുള്ളിൽ കയറി കാപ്പിവടി കൊണ്ടു തല്ലും. പൊലീസറിയാതെ സമരം നടത്താനും കാണേണ്ടവരെ കാണാനും നൽകേണ്ടവർക്കു നല്ലപോലെ നൽകാനും സിപിഎമ്മിനറിയാം.
താലൂക്ക് ഓഫിസിൽ ചില അലവലാതികൾ കയറിക്കൂടിയിട്ടുണ്ട്. ജനങ്ങളെ വലയ്‌ക്കുന്ന നടപടികളാണു റവന്യു വകുപ്പു ജീവനക്കാർ നടത്തുന്നത്. ഇത്തരക്കാരെ താമസമില്ലാതെ ഓഫിസിൽ കയറി കൈകാര്യം ചെയ്യും.
(2012 മേയ് 23, നെടുങ്കണ്ടം താലൂക്ക് ഓഫിസിലേക്ക് സിപിഎം നടത്തിയ മാർച്ച്)
5) കൊല്ലേണ്ടവരെ കൊന്നിട്ടുണ്ട്. ശാന്തൻപാറയിൽ പാർട്ടിക്കെതിരെ പ്രവർത്തിച്ചവരെ പട്ടിക തയാറാക്കിയാണ് കൈകാര്യം ചെയ്‌തത്. 13 പേരുടെ പട്ടിക തയാറാക്കി. ആദ്യത്തെ മൂന്നു പേരെ കൊന്നു. ഒന്നാമനെ വെടിവച്ചു കൊന്നു. രണ്ടാമത്തവനെ തല്ലിക്കൊന്നു. മൂന്നാമനെ കുത്തിക്കൊന്നു. പീരുമേടിൽ ഒരാളെയും കൊന്നു.
കൊല നടത്തിയാൽ തുറന്നുപറയാനുള്ള ആർജവം പാർട്ടിക്കുണ്ട്. അടിച്ചാൽ തിരിച്ചു തല്ലണം. പറയുന്നത് ചങ്കൂറ്റത്തോടെ പറയണം. മീശ വച്ചാൽ മാത്രം ആണാകില്ല. പാർട്ടിക്ക് ശേഷിയുള്ള സ്‌ഥലത്ത് നേരിട്ട് അടി കൊടുക്കും. ഇല്ലാത്ത സ്‌ഥലത്ത് പുറത്തുനിന്നും ആളെ കൊണ്ടുവരും.
(2012 മേയ് 27: കുപ്രസിദ്ധമായ മണക്കാട് 1, 2, 3 കൊലവെറി പ്രസംഗം)
6) ടി.പി.ചന്ദ്രശേഖരൻ വധത്തെ സിപിഎമ്മിനെതിരെ തിരിച്ചതിൽ വിഎസിനും പങ്കുണ്ടെന്ന് ആരോപിക്കുന്ന മണി, ‘മരിച്ചത് വിഎസിന്റെ അമ്മായിയപ്പനൊന്നുമല്ലല്ലോ’ എന്നും ചോദിക്കുന്നു. കുടിക്കുന്ന വെള്ളത്തിൽ മോശത്തരം കാണിക്കുകയാണ് വിഎസ്. ചന്ദ്രശേഖരൻ ധീരനായ കമ്യൂണിസ്‌റ്റാണെന്നാണ് വിഎസ് പറയുന്നത്. ചെറ്റത്തരം കാണിക്കുന്നവനാണോ ഉത്തമൻ.
(2012 മേയ് 23, ‘കൊലവെറി‘ ക്ക് മുൻപ് വിഎസിനും സിപിഐക്കുംഎതിരെ ചിന്നക്കനാൽ വേണാട് നടത്തിയ പ്രസംഗം)
7) പീരുമേട്ടിലെ ഐഎൻടിയുസി നേതാവ് ബാലുവിനെ കൊന്നത് ഞങ്ങളുടെ ആൾക്കാരാണ്. അയ്യപ്പദാസിനെ വെട്ടിക്കൊന്നു കോൺഗ്രസുകാർ. ബാലുവുമുണ്ടായിരുന്നു കൂടെ. ഞങ്ങളും തീർത്തു... ബാലുവിനെ അവിടത്തെ ഞങ്ങടെ ആൾക്കാർ കൊന്നു. കേസായി... എട്ടുപേരെ ശിക്ഷിച്ചു. ജീവപര്യന്തം ശിക്ഷിച്ചു.. പിന്നെയും കേസായി. എം.എം.മണി ഒന്നാം പ്രതി, രാജു, തിലകൻ, എല്ലാം... അതാണു കേസ്.
(2012 ഓഗസ്‌റ്റ് 10, അടിമാലി പത്താം മൈലിലെ പ്രസംഗം)
8) യൂത്ത് കോൺഗ്രസ് പ്രവർത്തകർക്കെതിരെ കേസെടുക്കാൻ കഴിയില്ലെങ്കിൽ കാക്കിക്കുപ്പായം ഊരിവച്ച് പൊലീസുകാർ ചെരയ്‌ക്കാൻ പോകുന്നതാണു നല്ലത്. ഡിവൈഎഫ്‌ഐ പ്രവർത്തകർക്കെതിരെ കേസെടുക്കുമ്പോൾ സൂക്ഷിച്ചില്ലെങ്കിൽ ചെറിയ തട്ടലും മുട്ടലുമൊക്കെ ഉണ്ടാകും.
വനം മന്ത്രി തിരുവഞ്ചൂർ രാധാകൃഷ്‌ണൻ ഏഭ്യനും മുഖ്യമന്ത്രി ഉമ്മൻചാണ്ടി നികൃഷ്‌ട ജീവിയുമാണ്. പ്രവർത്തകരെ കള്ളക്കേസിൽ കുടുക്കിയാൽ പ്രതികരിക്കും, കോൺഗ്രസുകാരെ പാഠം പഠിപ്പിക്കും. മണക്കാട്ടെ പ്രസംഗത്തിന്റെ പേരിൽ എനിക്കെതിരെ കേസെടുത്തതോടെ ഞാൻ രാജ്യം മുഴുവൻ പ്രശസ്‌തനായി.
(2014 ഒക്ടോബർ 23, കുമളി പൊലീസ് സ്‌റ്റേഷൻ മാർച്ച്)
9) എന്തു വൃത്തികേടും ചെയ്യുന്ന ഒരു മാതിരി **** പണിയാണ് ഇടുക്കി എസ്ഐ ഗോപിനാഥൻ ചെയ്യുന്നത്. തെണ്ടിത്തരം കാണിക്കുകയാണ്. ഇവരെ കൈകാര്യം ചെയ്യാൻ ഞങ്ങൾക്കറിയാം. വായിനോക്കി പൊലീസുകാരാണു ചുറ്റും നിൽക്കുന്നത്. ക്ലാസ് മുറിയുടെ കതകടച്ചു പഠിപ്പിക്കുകയാണെന്നു പറയുന്ന പോളിടെക്നിക് പ്രിൻസിപ്പലിന് ഒരു മാതിരി സൂക്കേടാണ്.
**** എസ്ഐ ഗോപിനാഥനെ ഞങ്ങൾ മര്യാദ പഠിപ്പിക്കും. എസ്ഐയെ ഇടുക്കിയിൽ കൊണ്ടുവന്നു പാർട്ടിക്കെതിരെ പ്രവർത്തിപ്പിക്കാനാണു **** കോൺഗ്രസുകാരുടെ ഉദ്ദേശ്യമെങ്കിൽ ഇവിടെ എന്തെങ്കിലും നടക്കും. (**** അസഭ്യമായ ഭാഗങ്ങൾ)
(2016 ഫെബ്രുവരി 22, പൈനാവ് പോളിടെക്നിക്കിലെ സംഘർഷത്തിന്റെ പേരിൽ സിപിഎം ഏരിയ കമ്മിറ്റി ചെറുതോണിയിൽ നടത്തിയ പ്രതിഷേധ യോഗം. പോളിടെക്നിക് പ്രിൻസിപ്പൽ വനിതയായിരുന്നു.)
10) പണ്ടു സുരേഷ്കുമാർ വന്നിട്ടു കള്ളുകുടി, കെയ്സ് കണക്കിനായിരുന്നു ബ്രാൻഡി. എവിടെ, പൂച്ച..പഴയ നമ്മുടെ പൂച്ച. ഗവൺമെന്റ് ഗസ്റ്റ് ഹൗസിൽ കുടിയും, സകല പരിപാടിയും ഉണ്ടായിരുന്നു. പെമ്പിളൈ ഒരുമൈ നടന്നു. അന്നും കുടിയും സകല വൃത്തികേടുകളും നടന്നിട്ടുണ്ട് അവിടെ. മനസ്സിലായില്ലേ? അടുത്തുള്ള കാട്ടിലായിരുന്നു പണി അന്ന്.
