വടക്കഞ്ചേരി∙ നവ മാധ്യമത്തിലൂടെ മുഖ്യമന്ത്രിയെ അപമാനിച്ചതിനു യുവാവ് അറസ്റ്റിൽ. പുതുക്കോട് പാട്ടോല കിഴക്കേ വീട്ടിൽ സഹദേവൻ (34) ആണ് അറസ്റ്റിലായത്. മുഖ്യമന്ത്രിയെ അപകീർത്തിപ്പെടുത്തുന്ന രീതിയിൽ വാട്സാപ് ഗ്രൂപ്പിലൂടെ അശ്ലീലമടങ്ങിയ ചിത്രങ്ങൾ പ്രചരിപ്പിച്ചെന്നാണു കേസ്. മുഖ്യമന്ത്രിയുടെ തലയും നഗ്നനായ കുട്ടിയുടെ ഉടലുമായി മോർഫ് ചെയ്തു പനിമരണങ്ങളെക്കുറിച്ചു പരാമർശിച്ചായിരുന്നു പോസ്റ്റെന്നു പൊലീസ് പറഞ്ഞു. സിപിഎം പുതുക്കോട് ലോക്കൽ സെക്രട്ടറി എം.കെ ചന്ദ്രന്റെ പരാതിയെ തുടർന്ന് എസ്ഐ ബോബിൻ മാത്യുവും സംഘവുമാണു മൊബൈൽ ഫോൺ പരിശോധിച്ചു സഹദേവനെ അറസ്റ്റ് ചെയ്തത്.
×
