ഉത്സവങ്ങൾക്ക് മുൻകൂർ അനുമതി നിർബന്ധം

തിരുവനന്തപുരം ∙ ഉത്സവങ്ങൾക്കും പൊതുപരിപാടികൾക്കും മുൻകൂർ അനുമതി തേടണമെന്ന് ആരോഗ്യവകുപ്പിന്റെ ഉത്തരവ്. കണ്ടെയ്ൻമെന്റ് സോണുകളിൽ ഉത്സവ പരിപാടികൾ പാടില്ല. 65 വയസ്സിന് മുകളിലുള്ളവർ, ഗുരുതര രോഗമുള്ളവർ, ഗർഭിണികൾ, കുട്ടികൾ എന്നിവർ പങ്കെടുക്കരുത്. പുരോഹിതരടക്കം എല്ലാവരും മാസ്ക് ധരിക്കണം. കോവിഡ് ലക്ഷണങ്ങൾ പരിശോധിക്കണം. ലക്ഷണങ്ങളുള്ളവരെ പ്രവേശിപ്പിക്കരുതെന്നും വകുപ്പിന്റെ മാർഗനിർദേശങ്ങളിൽ പറയുന്നു.

English Summary: Guidelines for conducting festivals