മാലിന്യ സംസ്കരണം: കൊച്ചി കോർപറേഷന് 14.92 കോടി പിഴ

കൊച്ചി ∙ മാലിന്യ സംസ്കരണ ചട്ടങ്ങൾ പാലിക്കുന്നതിൽ വീഴ്ചവരുത്തിയതിനു കൊച്ചി കോർപറേഷനു മലിനീകരണ നിയന്ത്രണ ബോർഡ് 14.92 കോടി രൂപ പിഴചുമത്തി. 15 ദിവസത്തിനകം തുക കെട്ടിവയ്ക്കണം. നോട്ടിസിന്റെ പകർപ്പു ദേശീയ ഹരിത ട്രൈബ്യൂണലിന്റെ പ്രിൻസിപ്പൽ ബെഞ്ചിനും നൽകിയിട്ടുണ്ട്. ട്രൈബ്യൂണൽ നിയമിച്ച സംസ്ഥാനതല മോണിറ്ററിങ് കമ്മിറ്റി ഖരമാലിന്യ സംസ്കരണത്തിൽ കൊച്ചി നഗരസഭയുടെ വീഴ്ച സംബന്ധിച്ചു സമർപ്പിച്ച റിപ്പോർട്ട് 21നു പരിഗണനയ്ക്കു വരുന്ന സാഹചര്യത്തിലാണിത്. ഇതേ വീഴ്ചയ്ക്കു കഴിഞ്ഞ ഓഗസ്റ്റിൽ കോർപറേഷനു 13.31 കോടി രൂപ പിഴ ചുമത്തിയിരുന്നു. 

Content Highlights: Waste management: Penalty on Kochi Corporation