പാപ്പിനിശ്ശേരി മേൽപാലം: വിജിലൻസ് അന്വേഷിക്കും

കണ്ണൂർ ∙ പാപ്പിനിശ്ശേരി റെയിൽവേ മേൽപാലം നിർമിച്ചതിൽ അഴിമതി ഉണ്ടോയെന്ന് അറിയാൻ വിജിലൻസ് അന്വേഷണം. പ്രാഥമിക അന്വേഷണത്തിനു വിജിലൻസ് ഡയറക്ടർ ഉത്തരവിട്ടു. കണ്ണൂർ യൂണിറ്റിനാണു ചുമതല. ഉദ്ഘാടനം ചെയ്ത് ഒരു വർഷത്തിനുള്ളിൽ പാലത്തിന്റെ എക്സ്പാൻഷൻ ജോയിന്റുകളിലെ കോൺക്രീറ്റ് സീലിങ് തകർന്നു വിള്ളലുണ്ടായ പശ്ചാത്തലത്തിലാണ് അന്വേഷണം. പാലാരിവട്ടത്തെ വിവാദ പാലം നിർമിച്ച ആർഡിഎസ് പ്രോജക്ട്സ് തന്നെയാണു പാപ്പിനിശ്ശേരി പാലവും നിർമിച്ചത്.

Content Highlights: Vigilance investigation on Pappinisseri railway overbridge