Manoramaonline.com no longer supports Internet Explorer 8 or earlier. Please upgrade your browser.  Learn more »

നടിയുടെ ചിത്രം പ്രസിദ്ധീകരിച്ച തമിഴ് മാധ്യമങ്ങൾക്കെതിരെ വനിതാ കമ്മിഷൻ

Media

തിരുവനന്തപുരം ∙ കൊച്ചിയിൽ ആക്രമണത്തിന് ഇരയായ യുവനടിയുടെ പേരും ചിത്രവും പ്രസിദ്ധീകരിച്ചതിന് തമിഴ് മാധ്യങ്ങൾക്കെതിരെ കേരള വനിതാ കമ്മിഷൻ. ചിത്രവും പേരും പ്രസിദ്ധീകരിച്ച മാധ്യമങ്ങൾക്കെതിരെ നടപടി ആവശ്യപ്പെട്ട് തമിഴ്നാട് വനിതാ കമ്മിഷനും പബ്ലിക് റിലേഷൻസ് വകുപ്പിനും സംസ്ഥാന വനിതാ കമ്മിഷൻ കത്തയച്ചു.

കഴിഞ്ഞ ദിവസം കേസിൽ നടൻ ദിലീപ് അറസ്റ്റിലായപ്പോൾ ആക്രമണത്തിന് ഇരയായ നടിയുടെ പേരും ചിത്രവും ചില തമിഴ് മാധ്യമങ്ങൾ ഒന്നാം പേജിൽ വലിയ പ്രാധാന്യത്തോടെ പ്രസിദ്ധീകരിച്ചിരുന്നു. ഇതിനുപിന്നാലെയാണ് നടപടി ആവശ്യപ്പെട്ട് സംസ്ഥാന വനിതാ കമ്മിഷൻ കത്തയച്ചിരിക്കുന്നത്.

നേരത്തെ, നടിയുടെ പേര് സമൂഹമാധ്യമങ്ങൾ വഴി പ്രസിദ്ധീകരിച്ചതിന് നടൻ അജു വർഗീസിനെതിരെ പൊലീസ് കേസെടുത്തിരുന്നു. നടന്റെ മൊബൈൽ ഫോൺ പിടിച്ചെടുത്ത പൊലീസ് ഇതു ഫൊറൻസിക് പരിശോധനയ്ക്ക് അയച്ചിരിക്കുകയാണ്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.