മലയാള മനോരമ ഇന്റർനെറ്റ് പതിപ്പിന്റെ ഔപചാരിക ഉദ്ഘാടനം കൊച്ചി മനോരമയിൽ ഫിലിപ്പ് രാജകുമാരൻ നിർവഹിച്ചപ്പോൾ. - ഫയൽ ചിത്രം
കോട്ടയം∙ ലോകത്തിന്റെ ഏതറ്റത്താണെങ്കിലും നാടിനെക്കുറിച്ചുള്ള ഓർമ തൊട്ടുവിളിച്ചാൽ ഒരൊറ്റ ക്ലിക്കു കൊണ്ട് നമുക്കിന്നു നാടിന്റെ കൈപിടിക്കാം, വിശേഷങ്ങളറിയാം, കാഴ്ചകള്‍ കാണാം, അഭിപ്രായങ്ങൾ പറയാം... വാർത്താനിമിഷങ്ങളെ ഡിജിറ്റൽ താളുകളിലേക്കു കൈപിടിച്ചുയർത്തിയ മലയാളത്തിന്റെ ഒന്നാം നമ്പർ വാർത്താ വെബ്സൈറ്റ് മനോരമ ഓൺലൈനിന് ഇരുപതു വയസ്സിന്റെ പ്രൗഢി.
മലയാള മനോരമ ഇന്റർനെറ്റ് പതിപ്പിന്റെ ഔപചാരിക ഉദ്ഘാടനം കൊച്ചി മനോരമയിൽ നിർവഹിച്ച ഫിലിപ്പ് രാജകുമാരനോട് എഡിറ്റർ മാമ്മൻ മാത്യു അതിന്റെ സവിശേഷതകൾ വിശദീകരിക്കുന്നു. ചീഫ് ന്യൂസ് എഡിറ്റർ മാത്യൂസ് വർഗീസ്, എക്സിക്യുട്ടിവ് എഡിറ്റർ ജേക്കബ് മാത്യു, മാനേജിങ് എഡിറ്റർ ഫിലിപ്പ് മാത്യു, അസോസിയേറ്റ് ഡയറക്ടർ തോമസ് ജേക്കബ് എന്നിവർ സമീപം. - ഫയൽ ചിത്രം1997 ഒക്ടോബർ 17നാണ് മലയാള മനോരമ പത്രത്തിന്റെയും ദ് വീക്ക് മാഗസിന്റെയും ഓൺലൈൻ പതിപ്പുകൾ ബ്രിട്ടന്റെ ഫിലിപ് രാജകുമാരൻ കൊച്ചിയിൽ ഉദ്ഘാടനം ചെയ്തത്.
2011 ലെ വാൻ–ഇഫ്ര എഷ്യൻ ഡിജിറ്റൽ മീഡിയ പുരസ്കാരം മനോരമ ഓൺലൈൻ ചീഫ് ഓപ്പറേറ്റിങ് ഓഫിസർ മറിയം മാമ്മൻ മാത്യു ഏറ്റുവാങ്ങിയപ്പോൾ – ഫയൽ ചിത്രം.ഡിജിറ്റൽ ജേണലിസത്തിന്റെ ആരംഭകാലം മുതൽ മലയാളികളെ അതിന്റെ അനന്തസാധ്യതകളിലേക്ക് ഒപ്പം നടത്തിയ വാർത്താ വെബ്സൈറ്റുകളിൽ മുൻനിരയിലാണ് മനോരമ ഓൺലൈനിന്റെ സ്ഥാനം.
ലോകത്തെ മികച്ച വാർത്താ വെബ്സൈറ്റിനുള്ള വാൻ–ഇഫ്ര പുരസ്കാരം മനോരമ ഓൺലൈൻ സീനിയർ കണ്ടന്റ് കോ–ഓർഡിനേറ്റർ സന്തോഷ് ജോർജ് ജേക്കബും അസോഷ്യേറ്റ് പ്രൊഡ്യൂസർ രാജൻ തോമസും ഏറ്റുവാങ്ങിയപ്പോൾ. - ഫയൽ ചിത്രംരണ്ടു പതിറ്റാണ്ടിനിപ്പുറം ലോകത്തെ മികച്ച വാർത്താ വെബ്സൈറ്റെന്ന വിലാസമാണ് മനോരമ ഓൺലൈനിന് പ്രിയപ്പെട്ട വായനക്കാർ സമ്മാനിച്ചത് – 2016ൽ ലോകത്തിലെ ഏറ്റവും മികച്ച വാർത്താ വെബ്സൈറ്റിനുള്ള വേൾഡ് അസോസിയേഷൻ ഓഫ് ന്യൂസ്പേപ്പേഴ്സ് ആൻഡ് ന്യൂസ് പബ്ലിഷേഴ്സ് (വാൻ–ഇഫ്ര) പുരസ്കാരം. ലോകത്തെ മുൻനിര ഭാഷകളിലെ വെബ്സൈറ്റുകളെ പോലും മറികടന്നായിരുന്നു ഇത്.
രാജ്യാന്തര പുരസ്കാരങ്ങൾക്കൊപ്പം വാർത്താമികവിനുള്ള ദേശീയ–സംസ്ഥാന പുരസ്കാരങ്ങളും ഒട്ടേറെ തവണ മനോരമയെ തേടിയെത്തി.
സംസ്ഥാന കലോൽസവം, രാജ്യാന്തര ചലച്ചിത്രമേള തുടങ്ങിയവയുടെ ഏറ്റവും മികച്ച കവറേജിനുള്ള പുരസ്കാരങ്ങൾ അതിൽ ചിലതു മാത്രം.
വാൻ–ഇഫ്ര ഡിജിറ്റൽ മീഡിയ ഏഷ്യ പുരസ്കാരം മനോരമ ഓൺലൈനു വേണ്ടി സീനിയർ കണ്ടന്റ് കോ-ഓർഡിനേറ്റർ സന്തോഷ് ജോർജ് ജേക്കബ് ഗ്വാങ്ചൌ ഡെയ്‌ലി പ്രസ് ഗ്രൂപ്പ് ചെയർമാൻ ടാങ് യിങ് വൂ, ന്യൂ സ്ട്രെയിറ്റ് ടൈംസ് ചീഫ് എക്സിക്യൂട്ടിവ് ഓഫിസർ മുഹമ്മദ് അസ്ലൻ അബ്ദുല്ല എന്നിവരിൽ നിന്ന് ഏറ്റുവാങ്ങിയപ്പോൾ. - ഫയൽ ചിത്രംകുട്ടികൾ, വിദ്യാർഥികൾ, സ്ത്രീകൾ, മുതിർന്നവർ തുടങ്ങി സമൂഹത്തിലെ എല്ലാ തലത്തിലുള്ളവരെയും സംബന്ധിച്ച സമഗ്രവിഷയങ്ങളിൽ അവരെക്കൂടി പങ്കാളികളാക്കുന്ന സമ്പൂർണ പോർട്ടൽ സമീപനമാണ് മനോരമ ഓൺലൈനിന്റേത്. സാമൂഹിക വിഷയങ്ങളിൽ ഒട്ടേറെ ക്യാംപെയ്നുകൾ നടത്തുന്നതിനൊപ്പം വിവിധ മത്സരങ്ങളിലൂടെ മികവിന് അംഗീകാരങ്ങളും സമ്മാനിക്കുന്നുണ്ട് മനോരമ ഓൺലൈൻ.
മികച്ച മൊബൈൽ പ്രസിദ്ധീകരണത്തിനുള്ള വാൻ - ഇഫ്ര ഏഷ്യൻ ഡിജിറ്റൽ മീഡിയ പുരസ്കാരം ഹോങ്കോങ്ങിൽ നടന്ന ചടങ്ങിൽ മനോരമ ഓൺലൈനിനുവേണ്ടി അസിസ്റ്റന്റ് കണ്ടന്റ് പ്രൊഡ്യൂസർ അനുമോൻ ആന്റണി ഏറ്റുവാങ്ങിയപ്പോൾ. - ഫയൽ ചിത്രംഓരോ നിമിഷവും വാർത്തകളിലെ അപ്ഡേഷനുകള്‍ തേടിയെത്തുന്നവർക്കായി ഡെസ്ക്ടോപ്പിൽ മാത്രമല്ല മൊബൈലിലും ടാബ്‌ലറ്റിലും ഐപാഡിലും തുടങ്ങി ആപ്പിൾ വാച്ചിൽ പോലും അവയ്ക്കു ചേർന്ന രീതിയിൽ മനോരമ ഓൺലൈൻ മാറ്റങ്ങളുടെ പുതുമ അവതരിപ്പിച്ചിട്ടുണ്ട്. ഡെസ്ക്ടോപ്പിൽ നിന്നു മൊബൈലിലേക്കു വായന കൂടുമാറിയപ്പോൾ അവിടെയും മലയാളിക്ക് കൂട്ടായെത്താൻ മനോരമ ഓൺലൈനിനായി.
പുതുമകളിൽ ആദ്യം; മികവിന്റെ കയ്യൊപ്പോടെ...
വാർത്താലോകത്തെ ഡിജിറ്റൽ സാധ്യതകളെയെല്ലാം മനോരമ ഓൺലൈൻ ഉപയോഗപ്പെടുത്തിയിട്ടുണ്ട്. അവയിൽ ഭൂരിഭാഗവും മലയാളത്തിനു പരിചയപ്പെടുത്തിയതും മനോരമ ഓൺലൈനാണ്.
മികച്ച പ്രാദേശിക ഓൺലൈൻ പേജുകൾക്കുള്ള 2010 ലെ രാജ്യാന്തര പുരസ്കാരം മനോരമ ഓൺലൈൻ പ്രാദേശിക വാർത്താ വിഭാഗത്തിനു വേണ്ടി സീനിയർ സബ് എഡിറ്റർ കെ.രമേഷ് ജർമനിയിലെ ഹാംബർഗിൽ നടന്ന ചടങ്ങിൽ ഏറ്റുവാങ്ങിയപ്പോൾ. – ഫയൽ ചിത്രം.∙ 2006: മനോരമ പത്രം ഓൺലൈനായി വായിക്കാനുള്ള ഇ–പേപ്പർ സംവിധാന‌ത്തിനു തുടക്കം.
'കേരളത്തിലെ നഗരജീവിതം എങ്ങനെ മെച്ചപ്പെടുത്താം' എന്ന വി‌ഷയത്തിൽ മനോരമ ഓൺലൈനും ന്യൂക്ലിയസ് ഇൻസൈഡ്സും ചേർന്നു നടത്തിയ ‘സ്വപ്നകേരളം’ ആശയരൂപീകരണ മൽസരത്തിലെ മികച്ച ആശയങ്ങൾ ഉൾക്കൊള്ളിച്ച പത്രിക മനോരമ ഓൺലൈൻ ചീഫ് ഓപ്പറേറ്റിങ് ഓഫിസർ മറിയം മാമ്മൻ മാത്യുവും ഓൺലൈൻ കണ്ടന്റ് കോ–ഓർഡിനേറ്റർ ജോവി എം. തേവരയും മുഖ്യമന്ത്രി പിണറായി വിജയനു കൈമാറിയപ്പോൾ.– ഫയൽചിത്രം∙ 2007: മലയാളത്തിലെ ആദ്യത്തെ ന്യൂസ് ആപ്. ഫോണിൽ മലയാള മനോരമ പത്രം വായിക്കാവുന്ന ഈ സംവിധാനം നോക്കിയയുമായി ചേർന്നാണ് ആരംഭിച്ചത്. കേരളത്തിൽ മാത്രമല്ല ഏതു വിദേശരാജ്യത്തുള്ള മലയാളിക്കും ഏതു സമയത്തും വാർത്ത മാതൃഭാഷയിൽ ലഭ്യമാക്കിയത് പ്രത്യേകത. മലയാളത്തിലെ ആദ്യ മൊബൈൽ ദിനപത്രമെന്ന വിശേഷണവും അതോടൊപ്പം മനോരമയ്ക്ക് സ്വന്തം.
ഹലോ അഡ്രസ് പോർട്ടലിന് മലയാള മനോരമ ചീഫ് എഡിറ്റർ കെ.എം.മാത്യു തുടക്കം കുറിക്കുന്നു. - ഫയൽ ചിത്രം∙ 2008: മനോരമ ഓൺലൈനിന്റെ ഇംഗ്ലിഷ് പതിപ്പിനു തുടക്കം. വൈവാഹിക വെബ്സൈറ്റായ ‘എം 4 മാരി’ക്കും ആരംഭം.
∙ 2009: റിയൽ എസ്റ്റേറ്റ് മേഖലയ്ക്കായി ‘ഹലോ അഡ്രസ്’.
മലയാളത്തിലെ ആദ്യ ന്യൂസ് മൊബൈൽ ആപ് നോക്കിയ ഇന്ത്യ മാർക്കറ്റിങ് ഡയറക്ടർ ദേവീന്ദർ കിഷോർ പുറത്തിറക്കിയപ്പോൾ. മലയാള മനോരമ മാനേജിങ് എഡിറ്റർ ഫിലിപ്പ് മാത്യു, മനോരമ ഓൺലൈൻ സിഇഒ മറിയം മാമ്മൻ മാത്യു എന്നിവർ സമീപം. - ഫയൽ ചിത്രം∙ 2010: മനോരമ ഓൺലൈൻ ഐഫോൺ ആപ്പിനു തുടക്കം.
∙ 2011: മനോരമ ഓൺലൈനിന്റെ ഐപാഡ് ആപ്പും ആൻഡ്രോയിഡ് ആപ്പും. ലോകപ്രശസ്ത ഡിസൈനർ മാരിയോ ഗാർഷ്യയാണ് ഐപാഡ് ആപ് രൂപകൽപന ചെയ്തത്. കേരളത്തിലെ മുഴുവൻ ബിസിനസ്/സര്‍വീസ് വിവരങ്ങളുമായി ‘ക്വിക്‌കേരള’ വെബ്സൈറ്റിനും തുടക്കം.
എംഫോർമാരി ഡോട്ട് കോമിന് മലയാള മനോരമ ചീഫ് എഡിറ്റർ കെ.എം.മാത്യു തുടക്കം കുറിക്കുന്നു. - ഫയൽ ചിത്രം∙ 2013: വായനക്കാർക്കു മികച്ച ഡീലുകൾ ഒരുക്കി ‘എന്റെ ഡീൽ’ വെബ്സൈറ്റ്.
∙ 2015: മനോരമ ആപ്ലിക്കേഷൻ ആപ്പിൾ വാച്ചിലേക്ക്; മലയാളത്തിൽ നിന്ന് ആപ്പിൾ വാച്ചിലേക്കെത്തുന്ന ആദ്യ ആപ്. എന്തും വാങ്ങാനും വിൽക്കാനും ഇടമൊരുക്കി ‘ടപ്പേ ടപ്പേ’ വെബ്സൈറ്റിനും തുടക്കം.
മികച്ച മൊബൈൽ വാർത്താമാധ്യമത്തിനുള്ള വാൻ–ഇഫ്ര സൗത്ത് ഏഷ്യൻ ഡിജിറ്റൽ മീഡിയ വെങ്കല പുരസ്കാരം എബിപി പ്രൈവറ്റ് ലിമിറ്റഡ് എംഡിയും ചീഫ് എക്സിക്യൂട്ടീവ് ഓഫിസറുമായ ഡി.ഡി.പുർകായസ്തയിൽനിന്ന് മനോരമ ഓൺലൈൻ അസിസ്റ്റന്റ് കണ്ടന്റ് പ്രൊഡ്യൂസർ അമിൻ സീതി ഏറ്റുവാങ്ങിയപ്പോൾ. - ഫയൽ ചിത്രം∙ 2016: ആമസോൺ എക്കോയ്ക്കു വേണ്ടി ഏഷ്യയിൽ നിന്നുള്ള ആദ്യ സ്കിൽ സെറ്റ്. ദൃശ്യവൈവിധ്യത്തിന്റെ മായക്കാഴ്ചകളൊരുക്കി മനോരമ ഓൺലൈനിൽ 360 ഡിഗ്രി കാഴ്ചകൾക്കു തുടക്കം. ഡോക്ടര്‍മാരുടെ സേവനം ഒരൊറ്റ ക്ലിക്കിൽ ഉറപ്പാക്കി ‘ക്വിക്ക് ഡോക്കി’നു തുടക്കം.
∙ 2017: വിദ്യാർഥികളുടെ ഉന്നതപഠനത്തിനൊരു വഴികാട്ടിയായി മനോരമ ഹൊറൈസൺ പോർട്ടലിനു തുടക്കം
എന്നും മലയാളിക്കൊപ്പം; കൂടെച്ചേർന്നും പിന്തുണച്ചും
സംസ്ഥാനത്തെ മികച്ച റസിഡന്റ്സ് അസോസിയേഷനു മനോരമ ഓൺലൈനും അസറ്റ് ഹോംസും ചേർന്നൊരുക്കിയ ചുറ്റുവട്ടം പുരസ്കാരം(2015) കോഴിക്കോട് വേങ്ങേരി നിറവ് റസിഡന്റ്സ് അസോസിയേഷനു ഗവർണർ ജസ്റ്റിസ് പി. സദാശിവം സമ്മാനിച്ചപ്പോൾ. - ഫയൽ ചിത്രംഒരു മീഡിയ ഗ്രൂപ്പ് കേരളത്തിൽ ആദ്യമായൊരുക്കിയ ഡിജിറ്റൽ സംഗമം– ‘ടെക്സ്പെക്റ്റേഷൻസ്’ ഉൾപ്പെടെ ബിസിനസ്–സിനിമാ–സംഗീത മേഖലയിലെ വിവിധ പരിപാടികളും ഇക്കാലയളവിൽ മനോരമ ഓൺലൈൻ സംഘടിപ്പിച്ചു.
കേരളത്തിലെ മികച്ച റസിഡന്റ്സ് അസോസിയേഷനുള്ള മനോരമ ഓൺലൈൻ – അസറ്റ് ഹോംസ് ചുറ്റുവട്ടം സീസൺ–2 പുരസ്കാരം(2017) കണ്ണൂർ പള്ളിക്കുന്ന് ഇടച്ചേരി റസിഡന്റ്സ് അസോസിയേഷന് ധനമന്ത്രി തോമസ് ഐസക് സമ്മാനിച്ചപ്പോൾ. - ഫയൽ ചിത്രംകോഡിങ്ങിലെ മികവിനുള്ള ‘ഹാക്കത്തൺ’ പുരസ്കാരം, കേരളത്തിലെ മികച്ച മുനിസിപ്പാലിറ്റിയെ കണ്ടെത്താനുള്ള ‘ഹരിതനഗരം’, മികച്ച റസിഡന്റ്സ് അസോസിയേഷനുള്ള ‘ചുറ്റുവട്ടം’ പുരസ്കാരം, ശുചിത്വത്തിൽ മികവു പ്രകടിപ്പിച്ച സ്കൂളുകൾക്കുള്ള ‘സീറോ വേസ്റ്റ്= 100 മാർക്ക്സ്’ പുരസ്കാരം, ആയുർവേദ വിദ്യാര്‍ഥികൾക്കുള്ള ‘ജീവനം’ പ്രബന്ധ രചനാ പുരസ്കാരം, മികച്ച ലഘുചിത്രത്തിനുള്ള ‘ക്യാംപസ് ഷോർട്ട് ഫിലിം ഫെസ്റ്റ്’ പുരസ്കാരം, മാറ്റത്തിന്റെ മലയാളിപ്പെൺമുഖം കണ്ടെത്തിയ ‘മിസ് മില്ലനിയൽ’, മികച്ച ആശയത്തിനുള്ള ‘ബിഗ് ബിസിനസ് ഐഡിയ’ പുരസ്കാരം തുടങ്ങി പുതുമയാർന്ന മത്സരങ്ങളും മനോരമ ഓൺലൈൻ വായനക്കാർക്കായി ഒരുക്കി.
ഓൺലൈൻ ഒപി പോലുള്ള സംവേദന സങ്കേതങ്ങളും ഇതോടൊപ്പം വായനക്കാര്‍ക്കു മുന്നിലെത്തിച്ചു. പ്രവാസിമലയാളികൾക്കായി www.globalmalayali.in, പ്രാദേശികവാർത്തകൾക്കായുള്ള ചുറ്റുവട്ടം വിഭാഗം – www.chuttuvattom.com എന്നിവയും മനോരമ ഓൺലൈനിന്റെ കുടക്കീഴിലുണ്ട്.
മലയാള മനോരമയുടെ പ്രധാന പ്രസിദ്ധീകരണങ്ങൾ എല്ലാം ഇന്ന് അച്ചടിക്കു തൊട്ടുപിന്നാലെ ഇ–പതിപ്പായി കംപ്യൂട്ടറിലും മൊബൈലുകളിലും ടാബിലും വായിക്കാം. ഡിജിറ്റൽ ക്ലാസിഫൈഡ്സ് രംഗത്ത് വൈവിധ്യമാർന്ന ശ്രേണിയാണ് മനോരമ ഓണ്‍ലൈനിന്റേത് – www.m4marry.com, www.helloaddress.com, www.quickerala.com, www.qkdoc.com, www.entedeal.com, www.tapeytapey.com തുടങ്ങിയവ.
വായനയുടെ പൂർണതയ്ക്ക് നേട്ടത്തിന്റെ മുദ്രകൾ
മനോരമ ഓൺലൈൻ, ജോയ്ആലുക്കാസ് ഗ്രൂപ്പിന്റെ സഹകരണത്തോടെ നടത്തിയ മിസ് മിലേനിയൽ സൗന്ദര്യ മൽസരത്തിൽ നിന്ന്. - ഫയൽ ചിത്രം
∙ മികച്ച പ്രാദേശിക വാർത്താ വെബ്സൈറ്റിനുള്ള വാൻ–ഇഫ്ര പുരസ്കാരം (2010)
∙ വാൻ–ഇഫ്ര യങ് റീഡർ പുരസ്കാരം (2010)
∙ മികച്ച ന്യൂസ്പേപ്പർ വെബ്സൈറ്റിനുള്ള ഏഷ്യൻ ഡിജിറ്റൽ മീഡിയ അവാർഡ് (2011)
മനോരമ ഓൺലൈൻ ബിസിനസ് ഐഡിയ മൽസരത്തിൽ കാഞ്ഞിരപ്പള്ളി അമൽജ്യോതി എൻജിനീയറിങ് കോളജിലെ വിദ്യാർഥികൾ ചേർന്നുള്ള ടീം ‘ഡയമെൻഷൻലെസ്’ ഒന്നാം സമ്മാനം ഏറ്റുവാങ്ങിയപ്പോൾ. - ഫയൽ ചിത്രം∙ കുട്ടികളുടെ വിഷയങ്ങളിലെ മികവിനുള്ള യുഎസ് കമ്യൂണിക്കേറ്റർ പുരസ്കാരം (2011)
∙ മികച്ച മൊബൈൽ പബ്ലിക്കേഷനുള്ള വാൻ–ഇഫ്ര ഏഷ്യൻ ഡിജിറ്റൽ മീഡിയ പുരസ്കാരം (2012, 2013, 2015)
മനോരമ ഓൺലൈൻ സംഘടിപ്പിച്ച സീറോ വേസ്റ്റ് = 100 മാർക്ക് പരിപാടിയുടെ റോഡ് ഷോ ഉദ്ഘാടനം നടൻ മോഹൻലാൽ നിർവഹിച്ചപ്പോൾ. - ഫയൽ ചിത്രം∙ യൂണിയൻ ജർമൻ മലയാളി അസോസിയേഷന്റെ ‘ഉഗ്മ’ പുരസ്കാരം (2010)
∙ ഏറ്റവും മികച്ച ന്യൂസ് വൈബ്സൈറ്റിനുള്ള സൗത്ത് ഏഷ്യൻ ഡിജിറ്റൽ മീഡിയ അവാർഡ് – സ്വർണ മെഡൽ, മനോരമ ഓൺലൈനിന്റെ ഇംഗ്ലിഷ് വിഭാഗമായ ഓൺമനോരമയ്ക്ക് ഇതേവിഭാഗത്തില്‍ വെങ്കല മെഡൽ (2016)
∙ ലോകത്തിലെ ഏറ്റവും മികച്ച വാർത്താ വെബ്സൈറ്റിനുള്ള വാൻ–ഇഫ്ര പുരസ്കാരം (2016)
∙ വിഡിയോ മേഖലയിലെ മികവിനുള്ള ടെല്ലി പുരസ്കാരം മനോരമ 360യ്ക്ക് (2017)
∙ കേരള രാജ്യാന്തര ചലച്ചിത്ര മേളയിൽ ഏറ്റവും മികച്ച കവറേജിനുള്ള സംസ്ഥാന സർക്കാര്‍ പുരസ്കാരം നാലു തവണ (2012, 2013, 2015, 2016)
∙ ഇ–ന്യൂസ് ഉള്ളടക്കത്തിലെ മികവിന് സൗത്ത് ഏഷ്യ മന്ഥൻ അവാർഡ് (2007)
ഉഴവൂർ കെ.ആർ.നാരായണൻ ഫിലിം ഇൻസ്റ്റിറ്റ്യൂട്ട് വിദ്യാർഥികൾ ഒരുക്കിയ ‘ദൂരം’ ഹ്രസ്വചിത്രത്തിനു മനോരമ ഓൺലൈൻ ക്യാംപസ് ഷോർട്ട് ഫിലിം ഫെസ്റ്റ് സീസൺ 5 പുരസ്കാരം സമ്മാനിച്ചപ്പോൾ. - ഫയൽ ചിത്രം∙ മനോരമ ഓൺലൈനിന്റെ പ്രാദേശിക വാർത്താവിഭാഗമായ ചുറ്റുവട്ടത്തിന് മികച്ച പ്രാദേശിക വാർത്താ വെബ്സൈറ്റിനുള്ള ഇന്റർനെറ്റ് ആൻഡ് മൊബൈൽ അസോസിയേഷൻ ഓഫ് ഇന്ത്യ (ഐഎഎംഎഐ) പുരസ്കാരം (2011, 2015)
∙ ഗ്രാൻഡ് കേരള ഷോപ്പിങ് ഫെസ്റ്റിവലിന്റെ മികച്ച കവറേജിനുള്ള സർക്കാർ പുരസ്കാരം (2012)
∙ സംസ്ഥാന സ്കൂള്‍ കലോല്‍സവത്തിന്റെ ഏറ്റവും മികച്ച കവറേജിന് സർക്കാർ ഏർപ്പെടുത്തിയ ആദ്യ പുരസ്കാരം (2017)
