Manoramaonline.com no longer supports Internet Explorer 8 or earlier. Please upgrade your browser.  Learn more »

അഞ്ചടിച്ച് പുണെ രണ്ടാമത്; മാഴ്സലീഞ്ഞോയ്ക്ക് ഹാട്രിക്, ആഷിഖിനും ഗോൾ

Marcelinho പുണെയ്ക്കായി ഹാട്രിക് നേടിയ മാഴ്സലീഞ്ഞോ. (ഫയൽ ചിത്രം)

പുണെ ∙ മലയാളി താരം ആഷിഖ് കുരുണിയൻ കന്നി ഐഎസ്എൽ ഗോൾ കുറിച്ച മൽസരത്തിൽ നോർത്ത് ഈസ്റ്റ് യുണൈറ്റഡിനെതിരെ അഞ്ചു ഗോൾ വിജയവുമായി ബലേവാഡി സ്റ്റേഡിയത്തിൽ പുണെ സിറ്റി എഫ്സിയുടെ പടയോട്ടം. ബ്രസീലിയൻ താരം മാഴ്സലീഞ്ഞോയുടെ ഹാട്രിക് പ്രകടനം നിറം ചാർത്തിയ മൽസരത്തിലാണ് പുണെ അനായാസം ജയിച്ചുകയറിയത്.

മൽസരത്തിന്റെ എട്ടാം മിനിറ്റിനായിരുന്നു മലപ്പുറം ജില്ലക്കാരനായ ആഷിഖ് കുരുണിയന്റെ ഗോൾ. 27, 45, 86 മിനിറ്റുകളിലായി മാർസലീ‍ഞ്ഞോ ഹാട്രിക് തികച്ചപ്പോൾ, 88–ാം മിനിറ്റിലെ ഗോളിലൂടെ ആദിൽ ഖാനാണ് ഗോൾപട്ടിക പൂർത്തിയാക്കിയത്.

എട്ടാം മൽസരത്തിൽനിന്ന് അഞ്ചാം വിജയം സ്വന്തമാക്കിയ പുണെ 15 പോയിന്റുമായി രണ്ടാം സ്ഥാനത്തേക്ക് ഉയർന്നപ്പോൾ ഏഴാം മൽസരം കളിച്ച് സീസണിലെ അഞ്ചാം തോൽവി ഏറ്റുവാങ്ങിയ നോർത്ത് ഈസ്റ്റ് യുണൈറ്റഡ് നാലു പോയിന്റുമായി ഒൻപതാം സ്ഥാനത്ത് തുടരുന്നു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.