Manoramaonline.com no longer supports Internet Explorer 8 or earlier. Please upgrade your browser.  Learn more »

സിപിഐ ദുർബലപ്പെട്ടാൽ ഇടതു മുന്നണിയും ദുർബലപ്പെടും: കാനം രാജേന്ദ്രൻ

kanam-rajendran2

വൈക്കം ∙ സിപിഐ ദുർബലപ്പെട്ടാലും മുന്നണി ശക്തിപ്പെടണമെന്നു കരുതുന്ന ചിലർ ഇപ്പോൾ മുന്നണിയിലുണ്ട്. അവർ നിലപാട് തിരുത്തണമെന്നു സിപിഐ സംസ്ഥാന സെക്രട്ടറി കാനം രാജേന്ദ്രൻ. സിപിഐ ദുർബലപ്പെട്ടാൽ ഇടതു മുന്നണിയും ദുർബലപ്പെടും. വിട്ടു പോയവർ തിരിച്ചു വരുമ്പോൾ ഇടതു മുന്നണിയുടെ ജനകീയ അടിത്തറ വികസിക്കും. അപ്പോൾ ശക്തി വർധിപ്പിക്കാൻ സിപിഐ പ്രവർത്തകരും ശ്രമിക്കണം. – കാനം പറഞ്ഞു.

സിപിഐയുടെ ശക്തി കുറഞ്ഞെന്ന സിപിഎം സമ്മേളനങ്ങളിലെ വിമർശനങ്ങളെ സഹിഷ്ണുതയോടെ കാണുന്നു. എന്തെങ്കിലും കേൾക്കുമ്പോൾ എടുത്തു ചാടുന്നതു ശരിയല്ല. അതു കമ്യൂണിസ്റ്റ് രീതിയല്ല. തെറ്റുകൾ തിരുത്താൻ എക്കാലത്തും സിപിഐ തയാറായിട്ടുണ്ടെന്നും കാനം വൈക്കത്തു പറഞ്ഞു. സിപിഐ മണ്ഡലം സമ്മേളനം ഉദ്ഘാടനം ചെയ്യുകയായിരുന്നു കാനം.
 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.