Manoramaonline.com no longer supports Internet Explorer 8 or earlier. Please upgrade your browser.  Learn more »

അണ്ടർ 19 ലോകകപ്പ്: ഓസ്ട്രേലിയയ്ക്കെതിരെ ഇന്ത്യയ്ക്ക് തകർപ്പൻ ജയം

under 19 Cricket World Cup അണ്ടർ 19 ഇന്ത്യ–ഓസ്ട്രേലിയ മത്സരത്തിൽ നിന്ന്. ചിത്രത്തിനു കടപ്പാട്: ഐസിസി/ട്വിറ്റർ

വെല്ലിങ്ടൺ∙ അണ്ടര്‍ 19 ലോകകപ്പ് ക്രിക്കറ്റില്‍ ഓസ്ട്രേലിയയ്ക്കെതിരെ ഇന്ത്യയ്ക്ക് തകർപ്പൻ വിജയം. 100 റൺസിനാണ് ഇന്ത്യ ജയിച്ചു കയറിയത്. ആദ്യം ബാറ്റു ചെയ്ത ഇന്ത്യ ഏഴു വിക്കറ്റ് നഷ്ടത്തിൽ 50 ഓവറിൽ 328 റൺസ് സ്വന്തമാക്കി. മറുപടി ബാറ്റിങ്ങിനിറങ്ങിയ ഓസ്ട്രേലിയ  42.5 ഓവറിൽ 228 റൺസിന് എല്ലാവരും പുറത്താകുകയായിരുന്നു.

ഓസ്ട്രേലിയൻ ബാറ്റിങ് നിരയിൽ 73 റൺസെടുത്ത ജാക്ക് എഡ്വേഡ്സ് മാത്രമാണു തിളങ്ങിയത്. എന്നാൽ ക്യാപ്റ്റൻ പൃഥ്വി ഷായുടെ നേതൃത്വത്തിൽ മിന്നും പ്രകടനമാണ് ഇന്ത്യ പുറത്തെടുത്തത്. പൃഥ്വി ഷാ 94 റണ്‍സെടുത്തു. മാൻ ഓഫ് ദ് മാച്ചും ഇന്ത്യൻ ക്യാപ്റ്റനാണ്.

മന്‍ജോദ് 86ഉം ഗില്‍ 63ഉം റണ്‍സ് നേടി. ഇന്ത്യയ്ക്കു വേണ്ടി ശിവം മാവിയും കെ.എൽ.നാഗർകോട്ടിയും മൂന്നു വീതം വിക്കറ്റുകൾ വീഴ്ത്തി. ഓസ്ട്രേലിയയ്ക്കായി എഡ്വേഡ്സ് നാലു വിക്കറ്റ് വീഴ്ത്തി.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.