ഗാന്ധിനഗർ ∙ ഗുജറാത്ത് മുനിസിപ്പൽ തിരഞ്ഞെടുപ്പിൽ 75 ൽ 47 ഇടങ്ങളിലും ബിജെപിക്ക് ജയം. 16 സീറ്റുകളിൽ കോൺഗ്രസ് ജയിച്ചപ്പോൾ നാലിടത്തു സ്വതന്ത്രരും എൻസിപി, ബിഎസ്പി എന്നിവർ ഓരോ സീറ്റുകളിലും ജയിച്ചു. 75 മുനിസിപ്പാലിറ്റികളിലേക്കും രണ്ടു ജില്ലാ പഞ്ചായത്തുകളിലേക്കും 17 താലൂക്ക പഞ്ചായത്തുകളിലേക്കുമാണ് തിരഞ്ഞെടുപ്പു നടന്നത്. ആറിടങ്ങളിലെ ഫലം വന്നിട്ടില്ല.
തിരഞ്ഞെടുപ്പ് നടന്ന 17 താലൂക്ക പഞ്ചായത്തുകളില്‍ 13 ഇടത്ത് ബിജെപി ജയിച്ചു. ബനസ്കന്ത, ഖേദ എന്നീ രണ്ടു ജില്ലാ പഞ്ചായത്തുകളും ബിജെപി സ്വന്തമാക്കി. 2013 ൽ നടന്ന തിരഞ്ഞെടുപ്പിൽ 79 മുനിസിപ്പാലിറ്റികളിൽ 59 ഇടത്ത് ബിജെപി ജയിച്ചു കയറിയിരുന്നു. 11 സീറ്റുകളില്‍ കോൺഗ്രസ് ജയിച്ചിരുന്നെങ്കിലും അഞ്ചുപേർ പിന്നീട് കൂറുമാറി ബിജെപിയിൽ ചേർന്നു.
×
