Manoramaonline.com no longer supports Internet Explorer 8 or earlier. Please upgrade your browser.  Learn more »

മഹാരാഷ്ട്ര കൃഷി മന്ത്രി പാണ്ഡുരംഗ് ഫുണ്ട്കർ നിര്യാതനായി

pandurang-fundkar

മുംബൈ ∙ മുതിർന്ന ബിജെപി നേതാവും മഹാരാഷ്ട്ര കൃഷിമന്ത്രിയുമായ പാണ്ഡുരംഗ് ഫുണ്ട്കർ (67) ഹൃദയാഘാതത്തെ തുടർന്ന് മുംബൈയിൽ നിര്യാതനായി. ഏതാനും ആഴ്ച മുൻപ് ആശുപത്രിയിൽ പ്രവേശിപ്പിച്ചിരുന്നെങ്കിലും പിന്നീട് മടങ്ങിയിരുന്നു. മൂന്നു തവണ പാർലമെന്റ് അംഗമായിരുന്ന ഫുണ്ട്കർ മഹാരാഷ്ട്ര പ്രതിപക്ഷനേതാവായി പ്രവർത്തിച്ചിട്ടുണ്ട്. ബിജെപിയുടെ സംസ്ഥാന അധ്യക്ഷപദവിയും വഹിച്ചിട്ടുണ്ട്. 

1950 ൽ ബുൽധാനയിൽ ജനിച്ച ഫുണ്ട്കർ 1987 ലാണ് ആദ്യമായി നിയമസഭയിലെത്തിയത്. മകൻ ആകാശ് പാണ്ഡുരംഗ് ഫുണ്ട്കർ ഖാംഗാവ് മണ്ഡലത്തിൽനിന്നുള്ള എംഎൽഎയാണ്.

ഫുണ്ട്കറിന്റെ മരണത്തിൽ മുഖ്യമന്ത്രി ദേവേന്ദ്ര ഫഡ്നാവിസും മറ്റു മന്ത്രിമാരും അനുശോചിച്ചു. 

related stories