പ്രളയസമയത്ത് പത്തനംതിട്ടയിൽ രക്ഷാപ്രവർത്തനത്തിന് എത്തിയ ഹെലികോപ്റ്റർ (ഫയൽ ചിത്രം)
ന്യൂഡൽഹി∙ പ്രളയസമയത്തെ രക്ഷാപ്രവർത്തനത്തിന് കേരളം വ്യോമസേനയ്ക്കു പണം നൽകേണ്ടതില്ലെന്നു കേന്ദ്രസർക്കാർ. പണം കേന്ദ്രസർക്കാർ നൽകണമെന്ന കേരളത്തിന്റെ അഭ്യർഥന അംഗീകരിച്ചു.
അതേസമയം, സംസ്ഥാന മന്ത്രിമാർക്ക് വിദേശയാത്രയ്ക്കുള്ള അനുമതി നിഷേധിച്ചിട്ടില്ലെന്നും കേന്ദ്ര സർക്കാർ പറഞ്ഞു. രാജ്യസഭയിൽ രേഖാമൂലം അറിയിച്ചതാണ് ഈ കാര്യം. വിദേശസഹായം സ്വീകരിക്കരുതെന്നു മാത്രമാണ് നയം. എന്നാൽ പ്രധാനമന്ത്രിയുടേയോ മുഖ്യമന്ത്രിയുടേയോ ദുരിതാശ്വാസനിധിയിലേക്ക് വിദേശത്തുനിന്നു സംഭാവനകൾ നൽകുന്നതിൽ തടസ്സമില്ലെന്നും വിദേശകാര്യമന്ത്രാലയം അറിയിച്ചു.
×
