വ്യാഴം വൈകുന്നേരം മുതൽ വെള്ളി രാത്രി വരെ കടൽ പ്രക്ഷുബ്ധമാവാൻ സാധ്യത

തിരുവനന്തപുരം∙ വ്യാഴാഴ്ച വൈകുന്നേരം 5.30 മുതൽ വെള്ളി രാത്രി 11.30 വരെ കേരള, തമിഴ്നാട്, കർണാടക, ലക്ഷദ്വീപ് തീരത്തോടു ചേർന്നുള്ള കടൽ പ്രക്ഷുബ്ധമാവാൻ സാധ്യതയുണ്ടെന്നു കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. 1.5 മുതൽ 2 മീറ്റർ വരെ ഉയരത്തിലുള്ള ശക്തമായ തിരമാലയ്ക്കു സാധ്യതയുണ്ട്. മത്സ്യ തൊഴിലാളികളും തീരദേശവാസികളും ജാഗ്രത പാലിക്കുക. മത്സ്യ ബന്ധന വള്ളങ്ങൾ ഹാർബറിൽ കെട്ടി സൂക്ഷിക്കുക. തീരപ്രദേശങ്ങളിൽ വിനോദ സഞ്ചാരത്തിനു പോകുന്നവർ ജാഗ്രത പാലിക്കണമെന്നും മുന്നറിയിപ്പു സന്ദേശത്തിൽ പറയുന്നു.

English Summary: Rough Sea Warning