മലയാളിയായ ആർമി മെഡിക്കൽ കോർ അംഗം കശ്മീരിൽ വെടിയേറ്റു മരിച്ചു
Mail This Article
×
കൊല്ലം ∙ ശാസ്താകോട്ട സ്വദേശിയായ ആർമി മെഡിക്കൽ കോർ അംഗം കശ്മീരിൽ വെടിയേറ്റു മരിച്ചു. അപകടകാരണം വ്യക്തമല്ല. ശാസ്താംകോട്ട പോരുവഴി കമ്പലടി തോട്ടത്തിൽ കിഴക്കിൽ വിജയകുമാറിന്റെയും ശ്യാമളയുടെയും മകൻ വിശാഖ് (22) ആണു മരിച്ചത്.
ചൊവാഴ്ച വൈകിട്ട് അഞ്ചരയോടെയാണു സംഭവം. കശ്മീരിലെ ഉറി സെക്ടറിൽ ആർമി മെഡിക്കൽ കോറിൽ അംഗമായ വിശാഖിന്റെ മരണം സഹപ്രവർത്തകരാണു വീട്ടിൽ അറിയിച്ചത്. മരണകാരണം സംബന്ധിച്ച് ആർമി കേന്ദ്രങ്ങളിൽ നിന്ന് ഇതുവരെ ഔദ്യോഗിക അറിയിപ്പ് കിട്ടിയിട്ടില്ല.
രണ്ടര വർഷം മുൻപ് ആർമിയിൽ ചേർന്ന വിശാഖ് 3 മാസം മുൻപ് നാട്ടിൽ വന്നു മടങ്ങിയിരുന്നു. സഹോദരൻ വിമൽ ആർമിയിലാണ്. കശ്മീരിലാണ് ഇപ്പോൾ. വിശാഖിന്റെ മൃതദേഹം നാളെ രാത്രിയോടെ തിരുവനന്തപുരത്തെത്തിക്കും. വെള്ളിയാഴ്ച വീട്ടിലെത്തിക്കുമെന്നാണു വിവരം.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
