കിടപ്പുരോഗി നേരിട്ട് ഹാജരാകണം, ശഠിച്ച് എം.സി.ജോസഫൈന്; ബന്ധുവിന് ശകാരം
Mail This Article
കോട്ടയം ∙ കിടപ്പുരോഗിയായ പരാതിക്കാരിയെ നേരിട്ട് ഹാജരാകാന് നിര്ബന്ധിച്ച് വനിതാ കമ്മിഷന് അധ്യക്ഷ എം.സി.ജോസഫൈന്. പരാതി കേള്ക്കാന് മറ്റു മാര്ഗമുണ്ടോ എന്ന് ആരാഞ്ഞ ബന്ധുവിനെ അധ്യക്ഷ ശകാരിച്ചു. പരാതി നല്കിയിട്ടുണ്ടെങ്കില് നേരിട്ടുതന്നെ ഹാജരാകണമെന്നും ജോസഫൈന് പറഞ്ഞു. അയല്വാസിയുടെ ആക്രമണത്തില് പരുക്കേറ്റു കിടപ്പിലായ 89കാരി ലക്ഷ്മിക്കുട്ടിയമ്മയ്ക്കാണു ദുര്യോഗം.
പൊലീസ് നടപടിയെടുക്കാത്തതിനെ തുടര്ന്നാണ് വനിതാ കമ്മിഷനെ സമീപിച്ചതെന്ന് ലക്ഷ്മിക്കുട്ടിയമ്മയുടെ ബന്ധു ഉല്ലാസ് കുമാര് പറഞ്ഞു. അതേസമയം പരാതിക്കാരിയുടെ ബന്ധു തന്റെ സംഭാഷണം ദുര്വ്യാഖ്യാനം ചെയ്തെന്ന് എം.സി.ജോസഫൈന് പ്രതികരിച്ചു. ഇടപെടല് രാഷ്ട്രീയപ്രേരിതമാണെന്ന് സംശയമുണ്ട്. 89കാരിയെക്കൊണ്ട് പരാതി നല്കിച്ചത് തെറ്റെന്ന നിലപാടില് ഉറച്ചു നില്ക്കുന്നുവെന്നും ജോസഫൈന് പറഞ്ഞു.
Content Highlights: Complaint against women's commission chairperson MC josephine