Manoramaonline.com no longer supports Internet Explorer 8 or earlier. Please upgrade your browser.  Learn more »

ഗണിതശാസ്ത്രത്തില്‍ ഉന്നത വിജയക്കുതിപ്പുമായി ആഷിഖ് കളരിപ്പറമ്പില്‍

ashiq

ഉംറ്റാറ്റാ∙ ഗണിതശാസ്ത്രത്തിന്‍റെ സമഗ്ര വികസനം മുന്നില്‍ കണ്ടുകൊണ്ടു ലോകപ്രശസ്തമായ ഹോറയിസന്‍ എഡ്യുക്കേഷണല്‍ ട്രസ്റ്റ്‌ ഏര്‍പ്പെടുത്തിയിട്ടുള്ള ആഫ്രിക്കയിലെ മത്സരപരീക്ഷയില്‍ സൌത്ത് ആഫ്രിക്കയിലെ ഈസ്റ്റേൺ കേപ്പ് പ്രവിശ്യയില്‍ ആഷിഖ് കളരിപ്പറമ്പില്‍ ഏതാണ്ട് 13500ല്‍ പരം മത്സരാര്‍ത്ഥികളെ പിന്തള്ളി ഒന്നാമതായി വിജയം വരിച്ചു.

സ്വര്‍ണ്ണ മെഡലും, സര്‍ട്ടിഫിക്കറ്റും ഒട്ടനവധി സമ്മാനങ്ങളും വാരിക്കുട്ടിയ ആഷിഖ് ആലപ്പുഴ വേഴപ്ര കളരിപ്പറമ്പില്‍ അഭിലാഷ് കെ ജോണിന്റെയും സ്വീറ്റി കെ ജോണിന്റെയും ഏക പുത്രനാണ്. അഭിലാഷ് റയിന്‍ബോ ഗ്ലാസ്സ് കമ്പനിയുടെ ഉംറ്റാറ്റാ ഏരിയ മാനേജരും, സ്വീറ്റി ലൈഫ് ഗ്രൂപ്പ് സെന്‍റ് മേരീസ്‌ ആശുപത്രിയില്‍ നഴ്സിംഗ് മാനേജരുമായി ഉംറ്റാറ്റായില്‍ ജോലി ചെയ്തു വരുന്നു. ഉംറ്റാറ്റായിലെ പ്രമുഖമായ ട്രാന്‍സ്കായി പ്രൈമറി സ്കൂള്‍ എഴാം ക്ലാസ്സ് വിദ്യാര്‍ത്ഥിയായ ആഷിഖ് എല്ലാ വര്‍ഷങ്ങളിലും സ്കൂളില്‍ ഒന്നാമനാണ്‌. വിവിധ രാജ്യങ്ങളില്‍ നിന്നുള്ള കുട്ടികള്‍ക്കിടയില്‍ മലയാളിയായ ആഷിഖിന്‍റെ നേട്ടം അവിസ്മരണീയമായ ഒന്നാണ്. ജോഹന്നസ്ബര്‍ഗില്‍ നടക്കുന്ന രാജ്യാന്തര മത്സരത്തില്‍ ആഷിഖ് പങ്കെടുക്കാന്‍ തയ്യാറെടുത്തുകൊണ്ടിരിക്കുന്നു.

വാര്‍ത്ത∙ കെ.ജെ.ജോണ്‍.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.