Manoramaonline.com no longer supports Internet Explorer 8 or earlier. Please upgrade your browser.  Learn more »

ഡേറ്റ റോമിങ് നിരക്ക് ഇല്ലാതാക്കാനുള്ള പദ്ധതിയിൽ യൂറോപ്യൻ യൂണിയൻ മാറ്റം വരുത്തുന്നു

selfy

ബ്രസൽസ്∙ യൂറോപ്യൻ യൂണിയനുള്ളിലെ വിവിധ രാജ്യങ്ങളിൽ സഞ്ചരിക്കുമ്പോൾ ടെലികോം സേവന ദാതാക്കൾ ഡേറ്റ റോമിങ് നിരക്ക് ഈടാക്കുന്നത് തടയാനുള്ള പദ്ധതിയിൽ യൂണിയൻ മാറ്റം വരുത്തുന്നു.

2017 ജൂണോടെ ഇത്തരം നിരക്കുകൾ പൂർണമായി ഇല്ലാതാക്കാനാണ് കഴിഞ്ഞ വർഷം യൂണിയൻ പാർലമെന്റ് തീരുമാനിച്ചിരുന്നത്. ഒപ്പം വർഷത്തിൽ 90 ദിവസം, അല്ലെങ്കിൽ തുടർച്ചയായി 30 ദിവസം മാത്രമായിരിക്കും ഡേറ്റ റോമിങ് നിരക്ക് പൂർണമായി ഇല്ലാതാകുക എന്നാണ് പദ്ധതിയുടെ ആദ്യ വിശദാംശങ്ങളിൽ വ്യക്തമായിരുന്നത്.

ഇതിനു പകരം 30, 60 ദിവസ പരിധികൾ കൂടി എടുത്തു കളയാനാണ് ഇപ്പോഴത്തെ ആലോചന. കോളിനുള്ള റോമിങ് നിരക്ക് എന്നപോലെ ഡേറ്റ റോമിങ് നിരക്കും പൂർണമായി തന്നെ ഒഴിവാക്കിയുള്ള പുതിയ നിർദേശങ്ങൾ ഉടൻ തയാറാക്കാനാണ് ആലോചന.

ഏപ്രിൽ മുതൽ തന്നെ റോമിങ് നിരക്കിന് ഇടക്കാല നിയന്ത്രണം ഏർപ്പെടുത്തിക്കഴിഞ്ഞു. അടുത്ത വർഷം ജൂൺ മുതൽ യൂറോപ്യൻ യൂണിയൻ രാജ്യങ്ങളിൽ എവിടെ പോയാലും മാറ്റമില്ലാത്ത നിരക്ക് എന്നതായിരുന്നു ലക്ഷ്യം. ഇത് ഉപയോക്താക്കൾക്ക് അനുകൂലമായി പരിഷ്കരിക്കുന്നത് ടെലികോം കമ്പനികളുടെ ശക്തമായ എതിർപ്പ് അവഗണിച്ചാണ്.
 

Your Rating: