Manoramaonline.com no longer supports Internet Explorer 8 or earlier. Please upgrade your browser.  Learn more »

ഫ്രാങ്ക്ഫർട്ട് പുസ്തകമേള ഒക്ടോബർ 19 മുതൽ

book-fair

ഫ്രാങ്ക്ഫർട്ട്∙ലോകത്തെ ഏറ്റവും വലിയ പുസ്തക മേള ജർമനിയിലെ ഫ്രാങ്ക്ഫർട്ടിൽ ഒക്ടോബർ 19 ന് (ബുധൻ) തുടങ്ങും. ഓൺലൈൻ ഭീമനായ ആമസോണിൽ നിന്നുള്ള കടുത്ത വെല്ലുവിളി നേരിടാൻ പ്രസാധകർ കൈ,മെയ് മറന്നു പൊരുതുന്ന പശ്ചാത്തലത്തിലാണ് 66-ാം പുസ്തക മേള ആരംഭിക്കുന്നത്. ഹോളണ്ടാണ് ഇത്തവണത്തെ അതിഥി രാജ്യം.

ഒരു കൂട്ടം പുതിയ പ്രസാധകരുടെ വരവും പുസ്തക പ്രേമികളെ ആവേശത്തിലാക്കുന്നു. എന്നാൽ, പഴയവരും പുതിയവരും തമ്മിലല്ല, പ്രിന്റ് ബുക്കുകളും ഇ-ബുക്കുകളും തമ്മിലാണ് പ്രധാനം മത്സരം നടക്കാൻ പോകുന്നത്.

വിവിധ ലോകരാജ്യങ്ങളിൽ നിന്നുള്ള ഏഴായിരത്തിലേറെ പ്രസാധകരാണ് അഞ്ചു ദിവസം നീളുന്ന മേളയിൽ പങ്കെടുക്കുന്നത്. 70 രാജ്യങ്ങളിൽ നിന്നായി 10,000 ത്തോളം മാദ്ധ്യമ പ്രവർത്തകർ ഇത്തവണത്തെ മേള ലോകവായനക്കാരിൽ നിറയ്ക്കാൻ ഫ്രാങ്ക്ഫർട്ടിൽ എത്തുന്നുണ്ട്. ഇന്ത്യയിൽ നിന്നും 60 ഓളം പ്രസാധകരാണ് മേളയിൽ പങ്കെടുക്കുന്നത്.

ഒക്ടോബർ 18 ന് ചൊവ്വാഴ്ച വൈകുന്നേരം അഞ്ചിനാണ് ഉദ്ഘാടന ചടങ്ങ് നടക്കുന്നത്. ആരംഭ ദിവസം രാവിലെ ഒമ്പതു മുതൽ വൈകിട്ട് 6.30 വരെയാണ് പ്രദർശന സമയം. അറുപത്തിയാറാമത് അന്താരാഷ്ട്ര പുസ്തകമേളയ്ക്ക് ഈ മാസം 23 ന് തിരശീല വീഴും.

Your Rating:
ഇവിടെ പോസ്റ്റു ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.