Manoramaonline.com no longer supports Internet Explorer 8 or earlier. Please upgrade your browser.  Learn more »

ലണ്ടൻ ഹിന്ദു ഐക്യവേദിയുടെ വിദ്യാരംഭം ഭക്തി നിർഭരമായി

program2

ലണ്ടൻ∙ വിദ്യ വിലാസിനിയായ സരസ്വതിദേവിയുടെ കടാക്ഷം നുകർന്ന് അറിവിന്റെ ഹരിശ്രീ കുറിക്കുവാൻ നാടിന്റെ നാനാഭാഗത്തു നിന്നും വന്ന കുരുന്നുകൾക്ക് വിദ്യാരംഭത്തിന്റെ പൂർണത.  തോണ്ടാൻഹീത്ത് ശ്രീ മുരുകൻ ക്ഷേത്രത്തിൽ ലണ്ടൻ ഹിന്ദു ഐക്യവേദി നടത്തിയ വിദ്യാരംഭം ചടങ്ങുകൾ ഭക്തി നിർഭരമായി.  ക്ഷേത്രത്തിൽ പ്രത്യേകം തയാറാക്കിയ സരസ്വതി മണ്ഡപത്തിൽ  ശ്രേയസ്, നാരായണൻ, അൽക്ക, അക്ഷര, അഞ്ജലി എന്നീ അഞ്ചു കുട്ടികളാണ് ഇന്നലെ വിദ്യാരംഭം കുറിച്ചത്.  ഇത് തുടർച്ചയായി മൂന്നാം തവണയാണ് ലണ്ടൻ ഹിന്ദു ഐക്യവേദി വിദ്യാരംഭം നടത്തുന്നത്.
 
രാവിലെ ഉഷ പൂജക്ക്‌ ശേഷം 10:20 ഓടെ വിദ്യാരംഭം ചടങ്ങുകൾ തുടക്കം കുറിച്ച്, ആദ്യമായി റിച്ച്മാൻഡിൽ നിന്നും വന്ന മനോജ്, നീന ദമ്പതികളുടെ മകൻ ശ്രേയസ് അറിവിന്റെ ഹരിശ്രീ കുറിച്ചു,  തുടർന്ന്, ബ്രോംലിയിൽ നിന്നും വന്ന സജീവ്, ലക്ഷ്മി ദമ്പതികളുടെ മകൾ അക്ഷര, ഹോൺസ്‌ലോയിൽ നിന്നും എത്തിയ അജിത്‌കുമാർ, സതി ദമ്പതികളുടെ മകൻ നാരായണൻ, പോര്ടസ്‌മൗത്തിനു സമീപമുള്ള ഹസ്‌ലിമേറെയിൽ നിന്നും വന്ന ലിനേഷ്, അനു ദമ്പതികളുടെ മകൾ അൽക്ക, പീറ്റർബറോയിൽ നിന്നും എത്തിച്ചേർന്ന കലരാജ്, ബിന്ദു ദമ്പതികളുടെ മകൾ അഞ്ജലി എന്നിവരാണ് ലണ്ടൻ ഹിന്ദു ഐക്യവേദിയുടെ എഴുത്തിനിരുത്തൽ ചടങ്ങിനായി എത്തിച്ചേർന്നത്.  

ദേശത്തിന്റെ നാനാഭാഗത്തുനിന്നും എത്തിച്ചേർന്ന ഭക്തർ ലണ്ടൻ ഹിന്ദു ഐക്യവേദി എന്ന പ്രസ്ഥാനത്തിന്റെ പ്രവർത്തനങ്ങൾ ശ്ലാഘനീയമാണെന്ന് അഭിപ്രായപ്പെട്ടു. പ്രവർത്തിദിനമായിരുന്നിട്ടുകൂടി ലണ്ടൻ ഹിന്ദു ഐക്യവേദിയുടെ സത്‌സംഗത്തിൽ പങ്കെടുക്കുന്നവരും  അഭ്യുദയ കാംക്ഷികളും ചടങ്ങിന് എത്തിച്ചേർന്നത് പ്രത്യേകം ശ്രദ്ധേയമായി.

വിദ്യാരംഭം കുറിച്ച എല്ലാ കുട്ടികൾക്കും ലണ്ടൻ ഹിന്ദു ഐക്യവേദി ചെയർമാൻ തെക്കുമുറി ഹരിദാസ്, ശ്രീ ഗുരുവായൂരപ്പനെയും വിഘ്നേശ്വരനെയും ആലേഖനം ചെയ്ത പതക്കം പ്രസാദമായി നൽകി. സർവ്വശ്രീ മുരളി അയ്യർ പൂജകൾക്ക് നേതൃത്വം നൽകി. വിപുലമായ അന്നദാനവും ചടങ്ങിനോടനുബന്ധിച്ചു തയാറാക്കിയിരുന്നു. ലണ്ടൻ ഹിന്ദു ഐക്യവേദിയുടെ ദീപാവലി ആഘോഷങ്ങൾ ഈ മാസം 29 നു ദീപാവലി ദിവസം നടക്കും. 

വാർത്ത∙ രഞ്ജിത്ത് കൊല്ലം

Your Rating:
ഇവിടെ പോസ്റ്റു ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.