Manoramaonline.com no longer supports Internet Explorer 8 or earlier. Please upgrade your browser.  Learn more »

വിരലുകളുണ്ടായതിന്റെ കഷ്ടപ്പാട്

georgenadavayal

ഇടത്തെ ചൂണ്ടാണി വിരലില്‍ പത്തിയമര്‍ത്തും വയലറ്റു തുള്ളീ; ലഹരിതരും വിഷം പോലുറഞ്ഞു കൊത്തുക; ജനസമ്മതിച്ചിഹ്നമായി. വിരലിലൊതുങ്ങാ വിരലുകളുണ്ടായതിന്ത്യയിലിതിനല്ലോ. ഖദറണിഞ്ഞും കൊടികളാടിയും ആള്‍ക്കൂട്ടാധിപത്യം കൊണ്ടാടുന്നൂ ജനനാമത്തില്‍ രാഷ്ട്രീയം; വിജയം മുഷ്ടി മൈഥുനം ഘോഷിക്കുന്നൂ തെരുവുകള്‍ തോറും.

സ്വര്‍ണ്ണക്കടകള്‍ക്ക് നാടമുറിക്കുവതിനല്ലോ മന്ത്രി. പിന്നെ ഭാരത മദാമ്മമാരുടെ മലയാളോച്ചാരണ- ചാനല്‍ ഷോകള്‍ക്ക് തിരിയും തെളിക്കണം, അനാച്ഛാദനങ്ങള്‍ക്ക് ശീല വലിക്കണം, തറക്കല്ലുകളിടണം, ഫലകങ്ങള്‍ വിരിയിക്കണം, പൂര്‍ണ്ണകായ വെങ്കലങ്ങള്‍ക്കു തുണിമാറ്റണം, കല്യാണ മണ്ഡപങ്ങളില്‍ മധുരം തോണ്ടണം, മരണവീട്ടില്‍ വേദന വദനത്തില്‍ പുരട്ടണം, വായുവിലിടിച്ചിടിച്ച് മൈക്കില്‍ സരസ്വതിയലറണം, സിനിമാതാരങ്ങളേക്കാള്‍ ഫ്ളെക്സില്‍ പാല്‍പ്പല്ലുകാട്ടണം, ശമ്പളം വാങ്ങണം, കിമ്പളം നോക്കണം, പെന്‍ഷനും കാക്കണം, എന്തൊരു ക്ലേശമിതെല്ലാം, നേരത്തും കാലത്തും ഭക്ഷണമുണ്ടോ, ഉറക്കമുണ്ടോ, ഇപ്പൊടിപടല ത്തിരക്കിലെപ്പോഴും യാത്രയല്ലോ; യാത്ര..... എന്തൊരു ക്ലേശമാണൊരു ജനപ്രതിനിധിയായാല്‍

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.