Manoramaonline.com no longer supports Internet Explorer 8 or earlier. Please upgrade your browser.  Learn more »

സ്യാതന്ത്ര്യം‌

swathanthraym

"എടാ വാസു ഇന്നു രാത്രി മാധവനെയും രാധയെയും ഇവിടെ നിന്നും രക്ഷപ്പെടുത്തണം" ദാമു വാസുവിനോടായി പറഞ്ഞു.

"എന്താണെഡാ നീ പറയുന്നത്" പേടിയോടെ വാസു ദാമുവിനോട് ചോദിച്ചു.

"ഇന്ന് മാത്രമേ അവരെ ഇവിടെ നിന്ന് രക്ഷപ്പെടുത്താന്‍ സാധിക്കുകയുള്ളൂ , മറ്റ് ദിവസങ്ങളില്‍ സാധിക്കില്ല."

"അതെല്ലാം ശരി ,എങ്ങനെ....എന്തെങ്കിലും പ്ലാന്‍ ഉണ്ടോ മനസ്സില്‍"

"മ്...മ്..ഉണ്ട്,ഇന്നു നൈറ്റ്‌ വാര്‍ഡന്‍ നാളെ നടക്കാന്‍ പോകുന്ന സ്വാതന്ത്ര്യദിന ആഘോഷങ്ങളുടെ ക്രമീകരണങ്ങള്‍ നോക്കാന്‍ പോകുന്ന സമയത്ത് അവരെ ഇവിടെ നിന്നും പുറത്ത് കടക്കാന്‍ സഹായിക്കണം."

"പ്ലാന്‍ കൊള്ളാം...വര്‍ക്ക് ഔട്ട്‌ ആകുമോ.....?"

"അതെല്ലാം നടക്കും...നീ പോയ്‌ രാധയുമായി ബാക്ക് എന്റ്രൻസ് ഡോറിന്‍റെ അവിടെ വരൂ....ഞാന്‍ മാധവനുമായി വരാം."

"ശരിയെടാ............!"

രാത്രി 11.00 മണി

വാര്‍ഡനും മറ്റ് എല്ലാ സ്റ്റാഫും സ്വാതന്ത്ര്യദിനാഘോഷങ്ങളുടെ ഏര്‍പ്പാടുകള്‍ നോക്കുന്നതിനായി സ്റ്റേജ് തയ്യാറാക്കുന്ന സ്ഥലത്തേയ്ക്ക് പോയി. അപ്പോള്‍ വാസുവും ദാമുവും മാധവനെയും രാധയെയും കുട്ടികൊണ്ട് ബാക്ക് എന്റ്രൻസ് ഡോറിന്‍റെ അടുത്തെത്തി. അപ്പോള്‍ ദാമു തന്‍റെ മൊബൈല്‍ഫോണ്‍ എടുത്ത് കാള്‍ ചെയ്തു. "ഹലോ ...ഞങ്ങള്‍ ബാക്ക് എന്റ്രൻസ് ഡോറിന്‍റെ അടുത്തുണ്ട്...നീ എത്തിയോ?"

"ഞാന്‍ എത്തി ദാമുസാര്‍... ബാക്ക് എന്റ്രൻസ് ഡോറിന്‍റെ അടുത്തുള്ള മതിലില്‍ ഏണി വച്ചിട്ടുണ്ട്, നിങ്ങള്‍ അവരെ രണ്ടുപേരെയും അകത്തുനിന്നും മതിലിന്റെ മുകളില്‍ കയറ്റിവിട്, പുറത്ത് വച്ചിട്ടുള്ള ഏണി വഴി അവരെ ഞാന്‍ താഴെ ഇറക്കാം"

അവന്‍ പറഞ്ഞത്പോലെ രാധയെയും മാധവനെയും അവര്‍ മതിലിന്‍റെ മുകളിലേക്ക് കയറ്റിവിട്ടു, മതിലിന്‍റെ പുറത്ത് വച്ചിരുന്ന ഏണി വഴി അവന്‍ അവരെ രണ്ടുപേരെയും താഴെ എത്തിച്ചു.

"നിങ്ങളാണോ മാധവൻ ചേട്ടനും രാധചേച്ചിയും.....?"

"അതെ...ഞങ്ങളാണ്.....നിങ്ങള്‍ ആരാണ്?"

"ഞാനാണ്‌ ദാമു സാറിനോട് ഫോണില്‍ സംസാരിച്ചത്...നിങ്ങളെ ഞാന്‍ എവിടെയാണ് എത്തിക്കേണ്ടത്‌......?"

"ഈ അഡ്രസിലാണ് ഞങ്ങൾക്ക് പോകേണ്ടത്" മാധവന്‍ ഒരു മേൽവിവലാസം എഴുതിയ പേപ്പർതുണ്ട് അവന്‍റെ കൈയ്യില്‍ കൊടുത്തു.

രാത്രി 12.00 മണി

മാധവന്‍ കൊടുത്ത അഡ്രസ്സില്‍ അവരെ രണ്ടുപേരെയും അവന്‍ എത്തിച്ചു. അവര്‍ ആ വിടിന്റെ ഡോറില്‍ തട്ടി. ആ വിട്ടിലെ ഗൃഹനാഥനും ഭാര്യയും ഉറക്കത്തിലായിരുന്നുവെങ്കിലും അവരുടെ അഞ്ചുവയസ്സായ മകന്‍ നാളെ വരാന്‍ പോകുന്ന തന്‍റെ പിറന്നാള്‍ ദിനത്തിന്‍റെ ചിന്തയില്‍ ഉറക്കം വരാതെ കണ്ണ്തുറന്ന് കിടക്കുകയായിരുന്നു. വാതിലില്‍ തട്ടുന്ന ശബ്ദം കേട്ട് ആ അഞ്ചു വയസ്സുകാരന്‍ കതക് തുറന്നു. വെളിയില്‍ നില്‍ക്കുന്ന തന്റെ മുത്തശ്ശനെയും മുത്തശ്ശിയെയും കണ്ടപ്പോള്‍ അവന്‍ സന്തോഷംകൊണ്ട് തുള്ളിച്ചാടി.

അതെ...മാധവനെയും രാധയെയും മക്കള്‍ വൃദ്ധസദനത്തില്‍ താമസിപ്പിച്ചതായിരുന്നു. സ്വാതന്ത്ര്യ ദിനത്തില്‍ പിറന്ന അവരുടെ കൊച്ചുമകന്, പിറന്നാള്‍ ആശംസകള്‍ അറിയിക്കുന്നതിനായി, വൃദ്ധസദനത്തിലെ തങ്ങളുടെ കുട്ടുകാരയായ വാസുവിന്റെയും ദാമുവിന്റെയും സഹായത്തോടെ മകന്‍റെ വിട്ടില്‍ എത്തിയതാണ് അവര്‍. കൊച്ചുമകനെ കണ്ട് പിറന്നാള്‍ ആശംസകള്‍ അറിയിച്ച് കരുതിവച്ചിരുന്ന സമ്മാനവും നൽകി.

Your Rating:

Disclaimer

ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.