Manoramaonline.com no longer supports Internet Explorer 8 or earlier. Please upgrade your browser.  Learn more »

കൃപാഭിഷേകം 2016 സെപ്റ്റംബർ 24, 25, 26 തീയതികളിൽ

bible-convention

മെൽബൺ∙ സെന്റ് തോമസ് സിറോ മലബാർ മെൽബൺ രൂപത രണ്ടാം വാർഷികാഘോഷവും ‘കൃപാഭിഷേകം 2016’ ബൈബിൾ കൺവൻഷനും സെപ്റ്റംബർ 24, 25, 26 തിയതികളിൽ സിഡ്നിയിലെ ക്യാംപ്വെൽടൗണിലുള്ള സെന്റ് ഗ്രിഗറിസ് കോളേജ് ഹാളിൽ നടക്കും. അണക്കര മരിയൻ ധ്യാനകേന്ദ്രത്തിന്റെ ഡയറക്ടറും പ്രശസ്ത വചനപ്രഘോഷകനുമായ ഫാ. ഡൊമിനിക് വളമനാലാണ് ബൈബിൾ കൺവെൻഷൻ നയിക്കുന്നത്. മെൽബൺ രൂപതയിലെ വിവിധ ഇടവകകളിൽ നിന്നുമുള്ളവർ മൂന്നു ദിവസങ്ങളിലായി നടക്കുന്ന കൺവൻഷനിൽ പങ്കെടുക്കും.

ig-01

ബൈബിൾ കൺവൻഷന്റെ ഉദ്ഘാടനം സെപ്റ്റംബർ 24 ശനിയാഴ്ച 2ന് മെൽബൺ രൂപതാധ്യക്ഷൻ മാർ ബോസ്കോ പുത്തൂർ നിർവഹിക്കും. തുടർന്ന് ഫാ. ഡൊമിനിക് വളമാനാലിന്റെ നേതൃത്വത്തിൽ ധ്യാനശുശ്രൂഷ ആരംഭിക്കും. രാത്രി 9.30 ന് ആദ്യ ദിവസത്തെ കൺവൻഷൻ സമാപിക്കും.

സെപ്റ്റംബർ 25 ഞായറാഴ്ച കൺവൻഷന്റെ രണ്ടാം ദിവസത്തെ ശുശ്രൂഷകൾ 2ന് ആരംഭിക്കും. രൂപതയുടെ രണ്ടാം വാർഷികാഘോഷത്തിന്റെ ഭാഗമായുള്ള പൊതുയോഗം വൈകിട്ട് 4.30 ന് ആരംഭിക്കും. മെൽബൺ രൂപതാധ്യക്ഷൻ മാർ ബോസ്കോ പുത്തൂർ സ്വാഗതം ആശംസിക്കും. വോളഗോങ്ങ് രൂപത അദ്ധ്യക്ഷൻ ബിഷപ്പ് പീറ്റർ ഇൻഗാം, ഓസ്ട്രേലിയയിലെ മാരോണൈറ്റ് രൂപത അദ്ധ്യക്ഷൻ ബിഷപ്പ് ആന്റോണി റ്റരാബെ, ഓസ്ട്രേലിയൻ മൾട്ടികൾച്ചറൽ മിനിസ്റ്റർ ജോൺ അജാക്ക, കാംഡെൻ എം.പി. ക്രിസ് പാറ്റേഴ്സൺ, മക്കാർതർ എം.പി. മൈക്ക് ഫ്രീലാൻഡർ തുടങ്ങിയ വിശിഷ്ട വ്യക്തികൾ പങ്കെടുക്കും. കൺവെൻഷൻ ജനറൽ കൺവീനർ ബിജോയ് തോപ്പിലിന്റെ നന്ദിപ്രസംഗത്തോടെ പൊതുസമ്മേളനം സമാപിക്കും. 9.30ന് രണ്ട ാം ദിവസത്തെ ശുശ്രൂഷകൾ അവസാനിക്കും.

ig-011

സെപ്റ്റംബർ 26 (തിങ്കളാഴ്ച ) 2 മണിയ്ക്ക് ആരംഭിക്കുന്ന കൺവെൻഷൻ രാത്രി 9 മണിയോടെ സമാപിക്കും. ധ്യാന ദിവസങ്ങളിൽ കുമ്പസാരിക്കുന്നതിനുള്ള സൗകര്യം ഉണ്ട ായിരിക്കും. ദൂരസ്ഥലങ്ങളിൽ നിന്നു വരുന്നവർക്ക് സൗജന്യ താമസ-വാഹന സൗകര്യങ്ങളും ഒരുക്കിയിട്ടുണ്ട ്.

ബൈബിൾ കൺവെൻഷന്റെയും വാർഷികാഘോഷത്തിന്റെയും വിജയത്തിനായി രൂപത അദ്ധ്യക്ഷൻ ബിഷപ്പ് ബോസ്കോ പുത്തൂർ, രൂപത വികാരി ജനറാൾ മോൺ.ഫ്രാൻസിസ് കോലഞ്ചേരി, സിഡ്നി റീജിയൺ എപ്പിസ്കോപ്പൽ വികാരി ഫാ.തോമസ് ആലുക്ക എന്നിവരുടെ നേതൃത്വത്തിൽ ഒരുക്കങ്ങൾ പുരോഗമിക്കുന്നു. ബിജോയ് തോപ്പിൽ ജനറൽ കൺവീനറും ജോസ് കെ.പി. ജോയിന്റ് കൺവീനറുമായുള്ള വിവിധ കമ്മിറ്റികൾ പ്രവർത്തിച്ച് വരുന്നു.

രൂപതയുടെ രണ്ടാം വാർഷികാഘോഷങ്ങളിലേയ്ക്കും ഫാ.ഡൊമിനിക് വളമനാൽ നയിക്കുന്ന ബൈബിൾ കൺവൻഷനിലേയ്ക്കും ഏവരെയും ക്ഷണിക്കുന്നതായി മോൺ.ഫ്രാൻസിസ് കോലഞ്ചേരി, ഫാ.തോമസ് ആലുക്ക എന്നിവർ അറിയിച്ചു.

വാർത്ത∙ പോൾ സെബാസ്റ്റ്യൻ 

Your Rating: