Manoramaonline.com no longer supports Internet Explorer 8 or earlier. Please upgrade your browser.  Learn more »

ഡാലസ് മലയാളി അസോസിയേഷൻ സാഹിത്യസമ്മേളനം ഒക്ടോബർ 22ന്

dallasd

ഡാലസ്∙ വിവിധ രാജ്യങ്ങളിൽ പ്രവർത്തിക്കുന്ന മലയാളി സാഹിത്യസാംസ്ക്കാരിക വ്യക്തികളെ പങ്കെടുപ്പിച്ചുകൊണ്ട് ഡാലസ് മലയാളി അസോസിയേഷൻ ഈ മാസം 22ന് ഡാലസിൽ സാഹിത്യ സാംസ്ക്കാരിക സമ്മേളനം നടത്തുമെന്ന് പ്രസിഡന്റ് ബിനോയി സെബാസ്റ്റ്യൻ അറിയിച്ചു.

അക്ഷര സമൂഹത്തോടും സാമാന്യജനതയോടും പ്രതിജ്ഞാബദ്ധമായ സമീപനങ്ങൾ കാത്തുസൂക്ഷിക്കുന്നവരുടെ കൂട്ടായ്മ നോർത്ത് അമേരിക്കയിൽ വളർന്നുവരേണ്ടതിന്റെ ആവശ്യകതയെ മുൻ നിർത്തിയാണ് അസോസിയേഷൻ ഇത്തരം  സമ്മേളനങ്ങൾ സംഘടിപ്പിക്കുന്നതെന്ന് അദ്ദേഹം പറഞ്ഞു.

സമൂഹത്തിലെ ഭിന്നരംഗങ്ങളിൽ ക്രിയാത്മകമായ പ്രവർത്തിക്കുന്നവരുടെ സഹകരണം അസോസിയേഷന്റെ പ്രവർത്തനങ്ങൾക്ക് ഉണ്ടായിരിക്കണമെന്ന് അദ്ദേഹം അഭ്യർഥിച്ചു. രാജ്യന്തര മലയാള സാഹിത്യത്തോടൊപ്പം അമേരിക്കൻ മലയാള സാഹിത്യത്തിന്റെ വളർച്ച എന്ന വിഷയത്തെ ആസ്പദമാക്കിയുള്ള ചർച്ചയും സിമ്പോസിയവും കേരളത്തിൽ നിന്നുള്ള പ്രമുഖ സാഹിത്യ നായകർ നയിക്കും.

കരോൾട്ടൻ റിക്രിയേഷൻ സെന്റർ ഓഡിറ്റോറിയത്തിൽ നടക്കുന്ന ഏകദിന സമ്മേളനത്തിൽ അമേരിക്കൻ മലയാള സാഹിത്യസമൂഹത്തിലെ പ്രമുഖർ പങ്കെടുക്കുമെന്ന് അസോസിയേഷൻ സെക്രട്ടറി സാം മത്തായി പറഞ്ഞു. സമ്മേളനത്തിന്റെ ഭാഗമായി വിവിധ രംഗങ്ങളിൽ വ്യക്തിമുദ്ര പതിപ്പിച്ച വ്യക്തികളെ ആദരിക്കും.

സെക്രട്ടറി സാം മത്തായി, മീഡിയ കോർഡിനേറ്റർ രവികുമാർ‌ എടത്വ, ട്രസ്റ്റ് ബോർഡ് ചെയർമാൻ രാജു ചാമത്തിൽ, ട്രസ്റ്റി ബോർഡ് അംഗം ബിജു തോമസ് എന്നിവർ സമ്മേളന പരിപാടികൾക്കു നേതൃത്വമേകും.

Your Rating:
ഇവിടെ പോസ്റ്റു ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.