Manoramaonline.com no longer supports Internet Explorer 8 or earlier. Please upgrade your browser.  Learn more »

ഡാലസ് ശ്രീ ഗുരുവായൂരപ്പന്‍ ക്ഷേത്രത്തില്‍ നവരാത്രി ആഘോഷങ്ങള്‍ക്ക്‌ തുടക്കം

navarathri-fest

ഡാലസ്∙ ഡാലസ് ശ്രീ ഗുരുവായൂരപ്പന്‍ ക്ഷേത്രത്തിലെ ദസ്സ്രആഹോഷങ്ങള്‍ക്ക് ഒക്ടോബർ ഒന്നുമുതൽ ദുര്‍ഗാ പൂജയോടെ തുടക്കമായി. വിജയദശമി ദിവസമായ ഒക്ടോബര്‍ 11നു രാവിലെ എട്ടിനും ഒന്‍പതിനും കുട്ടികളെ ആദ്യാക്ഷരം കുറിക്കുന്ന ചടങ്ങുകള്‍ നടക്കുമെന്ന് കേരളാ ഹിന്ദു സൊസൈറ്റി പ്രസിഡന്റ്‌ ഗോപാലപിള്ള അറിയിച്ചു.

നവരാത്രിയോടനുബന്ധിച്ചു സംഘടിപ്പിക്കുന്ന കലാപരിപാടികള്‍ക്ക് ഈ മാസം 2നു നടന്ന മൈസൂര്‍ സഹോദരന്‍മാരുടെ വയലിന്‍ കച്ചേരിയോടുകൂടി തുടക്കമായി. നാട്ടില്‍ നിന്നെത്തിയ വയലിന്‍ വിദ്വാന്‍മാരായ നാഗരാജ, ഡോക്ടര്‍ മഞ്ജുനാഥ് എന്നിവര്‍ക്കൊപ്പം രാജ റാവുവിന്‍റെ മൃദംഗവും ഗിരിധരിന്‍റെ ഘടവും കൂടി ചേർന്നു സംഗീതാസ്വാദകരെ അനേകം മണിക്കൂറുകള്‍ ആനന്ദ സാഗരത്തില്‍ ആറാടിച്ചു.

ഒക്ടോബര്‍ ഏഴിനു രാത്രിയില്‍ ക്ഷേത്രത്തിന്റെ സ്പിരിച്ചല്‍ ഹാളില്‍ അരങ്ങേറുന്ന തിരുവാതിര രാവില്‍ ഇരുനൂറില്‍ കൂടുതല്‍ കലാകാരികള്‍ പങ്കെടുക്കുമെന്ന് ട്രസ്റ്റി ചെയര്‍മാന്‍ ഹരിദാസന്‍ പിള്ള അറിയിച്ചു. അതിനുശേഷമുള്ള ഡാണ്ടിയ ഡാന്‍സിനുള്ള ഒരുക്കങ്ങളും പൂര്‍ത്തിയായി. നീലമന വിനയന്‍ തിരുമേനിയും, ഇരിഞ്ഞാടപള്ളി പദ്മനാഭന്‍ തിരുമേനിയുമാണ് ദേവി പൂജകള്‍ക്ക് നേതൃത്വം നല്‍കുന്നത്.

വാർത്ത∙സന്തോഷ് പിള്ള 

Your Rating:
ഇവിടെ പോസ്റ്റു ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.