Manoramaonline.com no longer supports Internet Explorer 8 or earlier. Please upgrade your browser.  Learn more »

‘വൈസ്മെൻ’ വെസ്റ്റ് ചെസ്റ്റർ ചാപ്റ്ററിന്റെ ഉദ്ഘാടനം നവംബർ 19 ന്

wisemen-west-chester

ന്യൂയോർക്ക് ∙ ന്യൂയോർക്കിലെ വെസ്റ്റ് ചെസ്റ്റർ കേന്ദ്രീകരിച്ച് പുതിയതായി രൂപീകരിച്ച ‘വൈസ് മെൻ ഇന്റർ നാഷണൽ ക്ലബിന്റെ ഔദ്യോഗിക ഉദ്ഘാടനം നവംബർ 19 ശനിയാഴ്ച വൈറ്റ് പ്ലെയിൻസിൽ വിപുലമായ കലാപരിപാടികളോടെ നടത്തുമെന്ന്, പ്രസിഡന്റ് (ഇലക്ട്) ജോസഫ് കാഞ്ഞമല, സെക്രട്ടറി എഡ്വിൻ കാത്തി എന്നിവർ അറിയിച്ചു. പുതിയ ഭാരവാഹികളുടെ സത്യപ്രതിജ്ഞയും തദവസരത്തിൽ നടക്കും.

വൈസ്മെൻ ഇന്റർനാഷണൽ പ്രസിഡന്റ് ജോവാൻ വിൽസൻ(ജനീവ), അമേരിക്കൻ ഏരിയ പ്രസിഡന്റ് ചാർലി റെഡ്മോണ്ട്, കിഡ്നി ഫെഡറേഷൻ ഓഫ് ഇന്ത്യ പ്രസിഡന്റ് റവ. ഫാ. ഡേവിസ് ചിറമ്മേൽ കൂടാതെ വിവിധ മുഖ്യധാര രാഷ്ട്രീയ സാമൂഹിക സാംസ്കാരിക രംഗത്തെ പ്രമുഖരും ചടങ്ങിൽ പങ്കെടുക്കും. കൂടാതെ വിവിധ കലാപരിപാടികളും ചടങ്ങിന്റെ ഭാഗമായി ഒരുക്കിയിട്ടുണ്ട്.

വൈഎംസിഎയുടെ ചാരിറ്റി ക്ലബായി, 1922 ൽ രൂപീകൃതമായ വൈസ് മെൻ ഇന്റർനാഷണലിന്റെ ആസ്ഥാനം സ്വിറ്റ്സർലൻഡിലെ ജനീവയാണ്. 63 രാജ്യങ്ങളിലായി 1625 ഓളം ക്ലബുകൾ ഉണ്ട്. അമേരിക്കയിൽ മാത്രം 90 ൽ അധികം വൈസ് മെൻ ക്ലബുകൾ ഉണ്ട്. ഇന്ത്യയിലാണ് ഏറ്റവും കൂടുതൽ ക്ലബുകൾ ഉളളത്. ഇന്ത്യയിൽ 656 വൈസ് മെൻ ക്ലബുകൾ ഇതിനോടകം രജിസ്റ്റർ ചെയ്തിട്ടുണ്ട്.

ഒക്ടോബർ 9 ഞായറാഴ്ച നൂറോഷിലുളള ഷേർലിസ് റസ്റ്റോറന്റിൽ കൂടിയ ജനറൽ ബോഡി യോഗത്തിൽ, ക്ലബിന്റെ പ്രസിഡന്റ് (ഇലക്ട്) ജോസഫ് കാഞ്ഞമല അധ്യക്ഷത വഹിച്ചു. റോക് ലാന്റ് കൗണ്ടി ലജിസ്ലേറ്റർ ഡോ. ആനി പോൾ മുഖ്യപ്രഭാഷണം നടത്തി.

അഡ്ഹോക് കമ്മിറ്റി സെക്രട്ടറി എഡ് വിൻ കാത്തി, ട്രഷറർ ഷാജി സഖറിയ, ജോഷി തെളളിയാങ്കൽ, ഷൈജു കളത്തിൽ, കെ. കെ. ജോൺസൻ, സ്വപ്നാ ജോസ് മലയിൽ എന്നിവർ പ്രസംഗിച്ചു. ഷോളി കുമ്പിളുവേലിൽ സ്വാഗതവും ജിം ജോർജ് നന്ദിയും പറഞ്ഞു. മിനി മുട്ടപ്പളളിയുടെ പ്രാർഥനയോടെയാണ് ചടങ്ങുകൾ ആരംഭിച്ചത്.

കൂടുതൽ വിവരങ്ങൾക്ക്:
ജോസഫ് കാഞ്ഞമല : 917 596 2119
എഡ് വിൻ കാത്തി : 914 358 5404

വാർത്ത ∙ ഷോളി കുമ്പിളുവേലി 

Your Rating:
ഇവിടെ പോസ്റ്റു ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.