രാജപക്സെയെ പേടിച്ച് പൊലീസ് ഓഫിസർ നാടുവിട്ടു; രക്ഷപ്പെട്ടത് അഴിമതി അന്വേഷിച്ച ഉദ്യോഗസ്ഥൻ

കൊളംബോ ∙ മഹിന്ദ രാജപക്സെയുടെ ഭരണകാലത്തെ അഴിമതി അന്വേഷിച്ച പൊലീസ് ഓഫിസർ രാജ്യംവിട്ടു. രാജപക്സെ സഹോദരങ്ങൾ അധികാരത്തിലെത്തിയതോടെയാണ് ഉയർന്ന ഉദ്യോഗസ്ഥൻ നിഷാന്ത സിൽവ  ജനീവയിലേക്ക് പറന്നത്. ഉദ്യോഗസ്ഥൻ അനുമതിയില്ലാതെ രാജ്യം വിട്ടതു സംബന്ധിച്ച് അന്വേഷണം തുടങ്ങി. 

മഹിന്ദ രാജപക്സെ പ്രസിഡന്റ് ആയിരുന്ന 2005–15 കാലഘട്ടത്തിലെ അഴിമതിക്കേസുകൾ അന്വേഷിച്ചിരുന്ന ഉദ്യോഗസ്ഥനാണ് നിഷാന്ത സിൽവ. രാഷ്ട്രീയലാഭം മുൻനിർത്തി അധികാരം ദുർ‍വിനിയോഗം ചെയ്ത ഉദ്യോഗസ്ഥർ നാടുവിടേണ്ടി വരുമെന്ന് പ്രസിഡന്റ് ഗോട്ടബയ രാജപക്സെ കഴിഞ്ഞ ദിവസം മുന്നറിയിപ്പു നൽകിയിരുന്നു.

English summary: Police officer flee from Sri Lanka