ചോറിന് കൂട്ടാൻ ചുട്ടരച്ച വഴുതനങ്ങ ചമ്മന്തി

കുറഞ്ഞ ചേരുവകൾ കൊണ്ട് രുചികരവും വ്യത്യസ്തവുമായ വഴുതനങ്ങ ചമ്മന്തി തയാറാക്കുന്നതെങ്ങനെയെന്നു നോക്കാം.

ചേരുവകൾ

• വഴുതനങ്ങ - 1 എണ്ണം 
• സവാള - ¼  ഭാഗം
• വറ്റൽമുളക് - 6 എണ്ണം 
• വെളിച്ചെണ്ണ - 2 ടേബിൾസ്പ്പൂൺ 
• വാളംപുളി -ആവശ്യത്തിന് 
• ഉപ്പ് – ആവശ്യത്തിന് 

തയാറാക്കുന്ന വിധം

▪️വഴുതനങ്ങ, സവാള, വറ്റൽമുളക് എന്നിവ ഗ്യാസിൽ ചുട്ടെടുക്കുക.

▪️വഴുതനങ്ങയുടെയും സവാളയുടെയും തൊലി മാറ്റിയശേഷം വറ്റൽമുളക്കും ചേർത്ത് നല്ലതുപോലെ ചതച്ചെടുത്ത് പുളിയും വെളിച്ചെണ്ണയും ഉപ്പും ചേർത്ത് ഞെരടി കുഴച്ചെടുക്കുക.

English Summary : Brinjal Chutney