തലശ്ശേരി സ്പെഷൽ ചെമ്മീൻ ചോറ്

ഊണ് ആഘോഷമാക്കാൻ ഒരു തവി ചെമ്മീൻ ചോറ് തന്നെ ധാരാളം.

ചേരുവകൾ 

• ചെമ്മീൻ - 200 ഗ്രാം 
• കൈമ അരി  - 2 കപ്പ് 
• വെളളം - 3 കപ്പ് 
• സവാള -2 എണ്ണം 
• ഇഞ്ചി - ചെറിയ കഷണം 
• വെളുത്തുള്ളി - 6 അല്ലി 
• പച്ചമുളക് - 2 എണ്ണം 
• തക്കാളി -1 എണ്ണം 
• ചെറുനാരങ്ങ -1 എണ്ണം 
• മല്ലിയില - ഒരു പിടി 
• വെജിറ്റബിൾ ഓയിൽ - 3 ടേബിൾസ്പൂൺ 
• നെയ്യ് -1 ടേബിൾസ്പൂൺ 
• മഞ്ഞൾപ്പൊടി - 1/4 ടീസ്പൂൺ
• മുളകുപൊടി - 1 ടീസ്പൂൺ
• മല്ലിപ്പൊടി - 1 ടീസ്പൂൺ 
• കുരുമുളക് പൊടി - 1/2 ടീസ്പൂൺ
• ഗരം മസാല പൊടി - 1/2 ടീസ്പൂൺ
• പെരുംജീരക പൊടി - 1 ടീസ്പൂൺ 
• ഉപ്പ് - ആവശ്യത്തിന് 

തയാറാക്കുന്നവിധം 

ഒരു പാത്രത്തിൽ കുറച്ച് ഓയിൽ ഒഴിച്ച് അതിൽ നീളത്തിൽ മുറിച്ച സവാള  ഉപ്പും ചേർത്ത് വഴറ്റണം . ഇതിൽ ചതച്ച  ഇഞ്ചി ,വെളുത്തുള്ളി, പച്ചമുളക്  എന്നിവ ചേർക്കണം .

ശേഷം മസാലകളെല്ലാം ചേർത്ത് തക്കാളിയും കറിവേപ്പിലയും ചെറുനാരങ്ങാനീരും മല്ലിയിലയും ചേർക്കണം. ചെമ്മീൻ കഷണങ്ങളും ചേർക്കാം. ഇതിൽ ചൂടുവെള്ളം ചേർത്ത് തിളച്ചുവന്നാൽ അരി  ചേർക്കണം .

ആവശ്യത്തിന്ന് ഉപ്പും ചേർത്ത് അടച്ചുവച്ച് ഒരു 10 മിനിറ്റ് വേവിക്കാം . കുറച്ച് നെയ്യ് ചേർത്ത് കൊടുക്കാം . നല്ല കിടിലൻ രുചിയിൽ ചെമ്മീൻ ചോറ്  തയാർ. .