കറി പഫ്‌സ് ആരേയും കൊതിപ്പിക്കും രുചിയിൽ

ബീഫ് ചേർത്തൊരു സ്പൈസി പഫ്സ് രുചി, വളരെ എളുപ്പത്തിൽ തയാറാക്കാം.

ചേരുവകൾ

• ബീഫ് കനംകുറച്ച് മുറിച്ചത് - 200 ഗ്രാം
• ഉരുളക്കിഴങ്ങ് - 3/4 കപ്പ്
• സവാള - 1 കപ്പ്
• ഇഞ്ചി - 1.5 ടേബിൾസ്പൂൺ
• വെളുത്തുള്ളി - 4 
• പച്ചമുളക് - 1 
• തക്കാളി - 1/2 കപ്പ് 
• മുളകുപൊടി  - 1/2 ടീസ്പൂൺ
• കുരുമുളകുപൊടി - 1/2 ടീസ്പൂൺ
• കറിപൗഡർ - 1.5 ടീസ്പൂൺ
• മഞ്ഞൾപ്പൊടി - 1/4 ടീസ്പൂൺ
• വിനാഗിരി - 1 ടേബിൾസ്പൂൺ

തയാറാക്കുന്ന വിധം

• ഉരുളക്കിഴങ്ങ്  ചെറുതായി അരിഞ്ഞെടുത്തു  വേവിച്ചു വയ്ക്കുക. 
• ഫ്രൈയിങ് പാനിൽ എണ്ണയൊഴിച്ച് സവാളയും ഇഞ്ചിയും പച്ചമുളകും കറിവേപ്പിലയും വഴറ്റുക.  
• കറി പൗഡറും മുളകുപൊടിയും കുരുമുളകുപൊടിയും മഞ്ഞൾപ്പൊടിയും ചേർത്ത് മൂപ്പിച്ച ശേഷം തക്കാളി ചേർത്ത് പാത്രം അടച്ചു വച്ച് വേവിക്കുക. 
• തക്കാളി നന്നായി വെന്ത ശേഷം ഇതിലേക്ക് ഇറച്ചിയും വിനാഗിരിയും ചൂടുവെള്ളവുമൊഴിച്ചു ചെറിയതീയിൽ വേവിക്കുക. ശേഷം ഉരുളക്കിഴങ്ങ് ചേർത്ത് ഒരു മിനിറ്റ് വേവിച്ച് പാത്രം തുറന്നു വെള്ളം പറ്റിച്ച് മാറ്റി വയ്ക്കുക.  പഫ്സ് ഷീറ്റ് ഓരോ കഷണവും പരത്തി രണ്ടുസ്പൂൺ ഇറച്ചി മിശ്രിതം വച്ച് കോണോടു കോൺ മടക്കി മുട്ടയും പാലും ചേർത്തടിച്ചതു പഫ്സിൽ ബ്രഷ് ചെയ്തു 350 F ൽ 20 - 25 മിനിറ്റ് ബേക്ക് ചെയ്തെടുക്കാം.
  
  English Summary : How to Make Curry Puffs With Beef