രുചിമേളം ഒരുക്കാൻ പാൽപൊരിയൻ ചിക്കൻ

വ്യത്യസ്തവും ടേസ്റ്റിയും ആയിട്ടുള്ള ഒരു ചിക്കൻ റെസിപ്പിയാണിത്. രുചികരമായി പെട്ടെന്ന് തയാറാക്കാം.

ചേരുവകൾ

• ചിക്കൻ -  750 ഗ്രാം
• കറുകപട്ട പൊടിച്ചത് - 2 നുള്ള് 
• പെരുംജീരകം പൊടിച്ചത് – ¾ ടേബിൾ സ്പൂൺ 
• ചെറിയ ഉള്ളി - 200 -250  ഗ്രാം 
• വെളിച്ചെണ്ണ -  3-4 ടേബിൾ സ്പൂൺ 
• തേങ്ങാപ്പാൽ - 2 .5 കപ്പ് ( ഒരു തേങ്ങ യിൽ  നിന്ന് )
• കുരുമുളക് പൊടി-  ¼ ടീസ്പൂൺ 
• ഉപ്പ് - ആവിശ്യത്തിന് 
• കറിവേപ്പില- ആവിശ്യത്തിന് 

മസാല പേസ്റ്റിന് 

• ചെറിയ ഉള്ളി -  25 - 30 എണ്ണം
• മുളകുപൊടി -  1 ½ ടേബിൾ സ്പൂൺ 
• മഞ്ഞൾപ്പൊടി -  ½ ടേബിൾ സ്പൂൺ 
• വെള്ളം - 1  ടേബിൾ സ്പൂൺ 

തയാറാക്കുന്ന വിധം

• മസാല പേസ്റ്റ് അരച്ച്‌ എടുക്കുക, പകുതി പേസ്റ്റ് ചിക്കനിൽ പുരട്ടി  1  മണിക്കൂർ   മാറ്റി വയ്ക്കുക .
• ഒരു പാൻ അടുപ്പിൽ  വെച്ച് അതിൽ വെളിച്ചെണ്ണ ഒഴിക്കുക ചൂടാകുമ്പോൾ  അതിലേക്ക് ചുമന്നുള്ളി അറിഞ്ഞത് ചേർത്ത് വഴറ്റുക, ഒന്ന് വഴന്നു വരുമ്പോൾ അതിൽ കറുകപ്പട്ട പൊടിച്ചത് ചേർത്ത് വീണ്ടും വഴറ്റുക.

• ഇതിലേക്ക് മാറ്റി വെച്ചരിക്കുന്ന പകുതി മസാല കൂടി ഇട്ട് നല്ല പോലെ മസാലയുടെ പച്ചമണം  മാറുന്ന വരെ ഒന്ന് മൂപ്പിക്കുക. 
• ഇനി അതിലേക്ക് , മസാല പുരട്ടി മാറ്റി വെച്ച ചിക്കൻ കൂടി ചേർത്തു് കൊടുത്തിട്ടു ഒന്ന് നല്ല പോലെ ഇളക്കി  യോജിപ്പിക്കുക. 
• തേങ്ങാപ്പാലും പെരുംജീരകപ്പൊടിയും കൂടി ചേർത്ത്  ഏറ്റവും ചെറിയ തീയിൽ ഒരു 25  മിനിറ്റ് വേവിച്ച് എടുക്കുക, ചാറ് കുറുകി വരുമ്പോൾ കുരുമുളകും പച്ച വെളിച്ചെണ്ണയും കറിവേപ്പിലയും ചേർത്ത് വാങ്ങി വയ്ക്കാം.