ഈസി ടേസ്റ്റി കോൺ ചീസ് സാൻവിച്ച്

തിരക്കു പിടിച്ച ചില ദിവസങ്ങളിൽ രാവിലെ എളുപ്പത്തിൽ ഒരു ബ്രേക്ക്ഫാസ്റ്റ്.  ഉച്ചവരെ അത്യാവശ്യം വിശപ്പില്ലാതെ പിടിച്ചു നിൽക്കാൻ പറ്റുന്ന   ഈസി കോൺ ചീസ് സാൻവിച്.  ഇത് രാവിലെ മാത്രം അല്ല  നാലുമണിക്ക് ചായയുടെ കൂടെയും കഴിക്കാം.

ചേരുവകൾ

• ബ്രെഡ് - 4 പീസ്
• കോൺ - 1/2 കപ്പ്‌
• ചീസ് - 1/2 കപ്പ്‌
• പച്ചമുളക് - 2 എണ്ണം
• കടലമാവ് - 2 ടേബിൾസ്പൂൺ
• പാൽ - 1 കപ്പ്‌
• ഉപ്പ് – ആവശ്യത്തിന്
• ബട്ടർ – ആവശ്യത്തിന്

പാകം ചെയ്യുന്ന വിധം

ഒരു ഫ്രൈയിങ് പാനിൽ പാലും കടലമാവും കട്ട കെട്ടാതെ ഇളക്കി വയ്ക്കണം, ഇത് അടുപ്പിൽ വച്ച് കുറുക്കി എടുക്കണം. 

കുറുകി കഴിയുമ്പോൾ കോണും ചീസും പച്ചമുളകും ഉപ്പും ചേർത്ത് നന്നായി യോജിപ്പിച്ച് എടുക്കണം. ഈ കൂട്ട് ബ്രെഡിന്റെ ഒരു വശത്ത് പുരട്ടി മറ്റൊരു ബ്രെഡിന്റെ പീസ് വച്ച് കവർ ചെയ്ത് ഒരു പാനിൽ ബട്ടർ പുരട്ടി രണ്ട് വശവും മൊരിച്ചെടുത്ത് സോസിന്റെ കൂടെ വിളമ്പാം.