ചായക്കടയിലെ നാടൻ പഴംപൊരിയുടെ രുചിക്കൂട്ട്

പഴുത്ത നേന്ത്രപ്പഴം ഇങ്ങനെ പഴംപൊരിയാക്കി നോക്കൂ...എത്ര കഴിച്ചാലും മടുക്കില്ല.

  ചേരുവകൾ

• നേന്ത്രപ്പഴം - 2എണ്ണം 
  
• ഗോതമ്പ് പൊടി -1/2കപ്പ്‌ 
• മൈദ -1 കപ്പ്‌ 
• പഞ്ചസാര - ആവശ്യത്തിന് 
• ഉപ്പ് - ഒരു നുള്ള് 
• മഞ്ഞൾപ്പൊടി -1/2 ടീസ്പൂൺ
• ചെറിയജീരകപ്പൊടി - 1/2 ടീസ്പൂൺ 
• ഇളം ചൂടുള്ള വെള്ളം - ആവശ്യത്തിന് 
• ഓയിൽ - 1 കപ്പ്‌ 

 തയാറാക്കുന്ന വിധം 

ഗോതമ്പുപൊടിയും മൈദയും ആവശ്യത്തിനുള്ള പഞ്ചസാരയും  1/2 ടീസ്പൂൺ ചെറിയജീരകം, 1/2 ടീസ്പൂൺ മഞ്ഞൾപ്പൊടി എന്നിവ ചേർത്ത് ആവശ്യത്തിന് വെള്ളവും ഒഴിച്ച് അധികം കട്ടിയിൽ അല്ലാത്ത പരുവത്തിൽ കലക്കി എടുക്കാം. 

ഓയിൽ ചുടാകുമ്പോൾ അതിലേക്ക് നീളത്തിൽ മുറിച്ചു വച്ച പഴം മാവിൽ മുക്കി രണ്ട് ഭാഗവും മീഡിയം തീയിൽ 2 മിനിറ്റ് വേവിച്ച് എടുക്കാം. 

Note

പഴം കനം കുറച്ച് മുറിച്ച് പഴം പൊരി തയാറാക്കിയാൽ രുചി കൂടും.