മിക്സിയിൽ അടിച്ച്, അടുപ്പത്തു വച്ച് കിടിലൻ ഓറഞ്ച് ടീകേക്ക്
Mail This Article
ചായയ്ക്കൊപ്പം കഴിക്കാൻ ഒരു സിംപിൾ ഓറഞ്ച് ടീ കേക്ക് ആയാലോ? അവ്നും വേണ്ട എസൻസും വേണ്ട... മിക്സിയിൽ ഒന്നു കറക്കി അടുപ്പത്തു വച്ച് ഈസിയായി നല്ല സോഫ്റ്റ് ഓറഞ്ച് ടീ കേക്ക് ഉണ്ടാക്കാം. ഓറഞ്ചുണ്ടെങ്കിൽ ഇപ്പോൾ തന്നെ ഉണ്ടാക്കി നോക്കൂ...
ആവശ്യമുള്ള ചേരുവകൾ
- മധുരമുള്ള ഓറഞ്ച് ഒന്നിന്റെ പകുതി (കുരുവും നാരും കളഞ്ഞു തൊലിയോടുകൂടിയത്)
- മുട്ട – 2 എണ്ണം
- ഓയിൽ – 1/4 കപ്പ് + 2 ടേബിൾസ്പൂൺ
- പഞ്ചസാര – 1/2 കപ്പ്
- മൈദ 1 1/4 കപ്പ്
- ബേക്കിങ് പൗഡർ – 1 1/2 ടീസ്പൂൺ
- ഉപ്പ് – 2 നുള്ള്
തയാറാക്കുന്ന വിധം
ആദ്യത്തെ ചേരുവകൾ മിക്സിയിൽ നന്നായി അരച്ച് ഒരു ബൗളിലേക് ഒഴിക്കുക. ബാക്കിയുള്ള ചേരുവകൾ ഒരു അരിപ്പയിലൂടെ ഇതിലേക്ക് അരിച്ചു ചേർക്കുക. പതുക്കെ നന്നായി യോജിപ്പിച്ച ശേഷം 8"× 4" ബേക്കിങ് പാനിൽ ഓയിൽ തടവി അടിയിൽ ബട്ടർ പേപ്പർ വിരിച്ച ശേഷം ഈ കൂട്ട് പാനിലേക്ക് ഒഴിക്കുക. പാത്രം ഒന്നു തട്ടികൊടുക്കുക. ഒരു വലിയ പാത്രത്തിൽ ഉപ്പിട്ട് ചൂടാക്കുക. ഇതിലേക്ക് ഒരു റിങ് ഇറക്കി വച്ചു ഇതിനു മുകളിൽ ബേക്കിങ് ട്രേ വയ്ക്കുക. അടച്ചു വെച്ച് ആദ്യത്തെ 3 മിനിറ്റ് മീഡിയം തീയിലും പിന്നീട് ചെറിയ തീയിലും 25 മുതൽ 30 മിനിറ്റ് വേവിക്കുക. ചൂട് തണുഞ്ഞ ശേഷം മുറിച്ച് വിളമ്പാം.