വിളർച്ചമാറ്റാൻ പച്ച നേന്ത്രക്കായ് കൊണ്ടൊരു മധുരം

അനീമിയയെ പ്രതിരോധിക്കാനും വണ്ണം കുറയ്ക്കുന്നതിനും പച്ച നേന്ത്ര കായ കൊണ്ടൊരു മധുരം.

ചേരുവകൾ 

• നേന്ത്രക്കായ് - 700 ഗ്രാം
• ശർക്കര - 300 ഗ്രാം
• തിരുമ്മിയ തേങ്ങ - 150 ഗ്രാം (1/4 വെള്ളം ചേർത്ത് ഒന്നാം പാൽ, 1/2 കപ്പ് വെള്ളം ചേർത്ത് രണ്ടാം പാൽ )
• നെയ്യ് - 1 ടേബിൾസ്പൂൺ 

തയാറാക്കുന്ന വിധം

• നേന്ത്രക്കായ് തൊലി കളഞ്ഞ്, കറ കഴുകി രണ്ടോ മൂന്നോ തവണ വെള്ളത്തിൽ വൃത്തിയാക്കി എടുക്കുക.
• ചുവടു കട്ടിയുള്ള പാനിലേക്ക് നെയ്യ് ഒഴിച്ച് ചൂടാകുമ്പോൾ ശർക്കര പാനി ചേർത്ത് യോജിപ്പിക്കുക.
• വെള്ളം തോർത്തി വച്ചേക്കുന്ന നേന്ത്രക്കായ് കഷ്ണങ്ങൾ ശർക്കര പാനിയിലേക്ക് ഇട്ട് രണ്ടാം പാൽ ചേർത്ത് പത്തു മുതൽ പതിനഞ്ച് മിനിറ്റ് വരെ വേവിക്കുക.
• ശേഷം വീണ്ടും ഒരു 5 മിനിറ്റ് കൂടെ വേവിക്കുക, ശേഷം ഒന്നാം പാൽ ചേർത്ത് നന്നായി ഇളക്കി യോജിപ്പിച്ച് ഏലയ്ക്കായ കൂടെ ഇട്ട് ചൂടോടുകൂടെയോ, തണുത്തശേഷമോ വിളമ്പാം.