വണ്ണം കുറയ്ക്കാൻ ആഗ്രഹിക്കുന്നവരുടെ പ്രിയപ്പെട്ട സാലഡ്

വേനൽ ചൂടിനെയും അതിന്റെ രോഗാവസ്ഥകളേയും നേരിടാനുതകുന്ന പോഷകം നിറഞ്ഞതും സ്വാദിഷ്ടവുമായ ഒരു വെജിറ്റബിൾ സാലഡ്.

ചേരുവകൾ:

• ചിക്പീസ് ( വെള്ള കടല) വേവിച്ചത് - 1 കപ്പ്
• പനീർ (വേവിക്കാതെ കഷ്ണങ്ങളാക്കിയത്) - 1/2 കപ്പ്
• സവാള, തക്കാളി - 1 വീതം (ചെറു കഷ്ണങ്ങളാക്കിയത്)
• കക്കരിക്ക (ചെറു കഷ്ണങ്ങളാക്കിയത്) - 1/2 കപ്പ്
• കപ്പലണ്ടി (തൊലിയില്ലാതെ വറുത്തത്) - 1/2 കപ്പ്
• മല്ലിയില (ചെറുതായി അരിഞ്ഞത്) - 1/2 കപ്പ്
• ബ്ലാക്ക് സാൾട്ട് - 1/4 ടീ സ്പൂൺ
• ജീരകപ്പൊടി(വറുത്തത്) - 1/4 ടീ സ്പൂൺ
• പച്ചമുളക് - 1 (ചെറു കഷ്ണങ്ങളാക്കിയത്)
• ഉപ്പ് - 1/2 ടീ സ്പൂൺ
• ചെറുനാരങ്ങ - ഒരു പകുതി
• ചാട്ട് മസാല - 1/2 ടീ സ്പൂൺ

തയാറാക്കുന്ന വിധം

ഒരു സലാഡ് ബൗളിൽ, മേൽ പറഞ്ഞ ചേരുവകളെല്ലാം ചേർത്ത് നന്നായി ഇളക്കി യോജിപ്പിച്ച ശേഷം അതിലേക്ക് നാരങ്ങ പിഴിഞ്ഞ്, ചാട്ട് മസാലയും ചേർത്തിളക്കി വിളമ്പാം.

English Summary : High Protein Salad, Weight Loss Recipe.